АБНА24 Хәбәр Верир, Ниҝерија саһилләриндә дәниз гулдурларынын һүҹуму нәтиҹәсиндә һәлак олан азәрбајҹанлы мүһәндис Фәрман Исмајыловун ҹәназәси Азәрбајҹана ҝәтирилиб. Бу дәгигәләрдә онун ҹәназәси тәјјарәдән јерә ендирилир. Гејд едәк ки, јанварын 23-дә дәниз гулдурлары Ниҝерија саһилләриндә "Мотсарт" адлы Түркијә ширкәтинә мәхсус Либерија бајрағы алтында үзән ҝәмијә һүҹум едибләр. Һүҹум заманы ҝәминин 19 һејәт үзвүндән 15-и гачырылыб, азәрбајҹанлы мүһәндис Фәрман Исмајылов исә өлдүрүлүб. Ҝәми 3 һејәт үзвү илә Габонун Порт-Ҝентил Лиманына ҝәтирилиб. Хатырладаг ки, Фәрман Исмајыловун ҹәназәси әввәлҹә Габондан Түркијәјә, даһа сонра исә Азәрбајҹана ҝәтирилиб.
342/
