АБНА24 Хәбәр Верир, Нүмајәндәләр палатасынын сәсвермәси заманы 87 әлејһинә сәс гаршылығында 322 нүмајәндә ветонун ләғв едилмәсинин леһинә сәс вериб вә беләликлә Трампын ветосуну ләғв етмәк үчүн лазым олан үчдә ики әксәријјәт сәс тәмин олунубдур. Әҝәр АБШ сенаты да нүмајәндәләр палатасы кими Трампын ветосундан кечәрсә, Американын мүдафиә бүдҹәси барәсиндә ганун лајиһәси Трампын разылығы олмадан гәбул олунаҹаг. Америка ганунвериҹилијинә ҝөрә, өлкә президенти вето илә бир лајиһәнин вә ја гәрарын гануна чеврилмәсинә мане ола биләр, лакин конгресин һәр ики палатасынын үзвләринин үчдә ики сәси ветону ләғв етмәјә јетәр. Трамп өтән һәфтә конгресин һәр ики палатасы тәрәфиндән гәбул едилән АБШ-ын 740 милјард долларлыг һәрби бүдҹә лајиһәсинә вето гојду. Трамп гејд олунан лајиһәнин бир нечә бәнди, о ҹүмләдән Америкада гулдарлыг дөврү ҝенералларынын адларынын гојулдуғу АБШ һәрби базаларынын адларыны дәјишдирмәјә чағыран бәнд илә мүхалифдир. Америкада гулдарлыг дөврүндәки ҝенералларын адларынын гојулдуғу АБШ һәрби базаларынын адлары сон заманлар полис зоракылығына вә ирги ајры-сечкилијә гаршы дахили етиразлар вә нүмајишләрин јүксәлмәсилә диггәт мәркәзинә алыныбдыр. Трамп Америкада ағдәрилиләрин ирги үстүнлүјүнүн тәрәфдары олан групларын әсас һимајәдарларындан биридир.
342/
