АБНА24 Хәбәр Верир, Иранын сәнаје, мәдән вә тиҹарәт назири Әлирза Рәзм Һүсејни илә Түркијәнин тиҹарәт назири Руһсар Пекҹан арасында телефон данышығы баш тутуб. Тәрәфләр телефон данышығы заманы дүнјада коронавирусун јајылмасы сәбәбиндән ики өлкә арасында игтисади мүбадиләләрин азалмасына тохунараг, Иран вә Түркијә арасында бирҝә игтисади әмәкдашлыгларын вә тиҹарәт мүбадиләләринин артырылмасынын ваҹиблијини вурғулајыблар. Иранын сәнаје, мәдән вә тиҹарәт назири Иранын еһтијад дујдуғу малларын Түркијәдә олмадығыны гејд едиб вә Иранын бу өлкә банкларындакы малијјә мәнбәләринә тохунараг, дејиб: "Түркијәнин, Иранын еһтијав дујдуғу маллары бу өлкәдәки малијјә мәнбәләри һесабына тәмин етмәк үчүн јоллар ахтармасы гәрара алыныб". Рәзм Һүсејни әлавә едиб: "Коронавирусдан әввәл Иран вә Түркијә иллик 10 милјард долларлыг тиҹарәт мүбадиләләри апарырдылар, һазырда бу ҝөстәриҹи коронавирус сәбәбиндән 3 милјард доллара енибдир, лакин јенидән артаҹаг.
342/
