Әһли Бејт (әлејһимус сәлам) Хәбәр Аҝентлијинин –АБНА- вердији хәбәрә әсасән. Гум Елми Һөвәзисиндә тәһсил алан азәрбајҹанлы руһаниләр Доктор Мөһсүн Фәхризадәнин сионист исраил режими тәрәфиндән террор едилмәсини мәһкум едибләр.
Азәрбајҹан Республикасынын Иран Ислам Республикасынын Мүгәддәс Гум шәһәриндә тәһсил алан Руһаниләр бәјанатда шәһид Доктор Мөһсүн Фәхризадәнин елит алимләр сырасында олдуғуна вә ҹидди елми налијјәтләр әлдә етдијинә ишарә едибләр.
Биз АБНА сајты олараг Гум Елми Һөвәзисиндә тәһсил алан азәрбајҹанлы руһаниләринин јајымладыглары бәјанаты диггәтинизә чатдырырыг:
Бисмилләһил Гасимил Ҹәббәрин
مِنَ الْمُؤْمِنِینَ رِجَالٌ صَدَقُوا مَا عَاهَدُوا اللَّهَ عَلَیْهِ فَمِنْهُمْ مَنْ قَضَى نَحْبَهُ وَمِنْهُمْ مَنْ یَنْتَظِرُ وَمَا بَدَّلُوا تَبْدِیلًا
سوره احزاب/ ۲۳
"Мөминләрин арасында еләләри вардыр ки, Аллаһла бағладыглары әһдә садиг галарлар. Онлардан кимиси шәһид олмуш, кимиси исә (шәһидлији) ҝөзләјир. Онлар вердикләри сөзү гәтијјән дәјишмәзләр." (Әһзаб сүрәси, ајә 23)
Бу ҝүнләрдә Иран Ислам Республикасы вә бүтүн Ислам дүнјасы ән лајигли шәхсин, өмрүнү елмә вә Исламын тәрәггисинә сәрф етмиш тәгвалы бир алимин террор олунараг шәһадәтә јетмәсилә бағлы гәм-гүссәјә гәрг олмушдур.
Империалист вә һеҝемон гүввәләр бир даһа сатанист сималарыны ортаја гојараг, өмрүнү елми тәдгигатлара сәрф етмиш, ИИР-нын Мүдафијә Назирлијинин Тәдгигат вә Инновасија Тәшкилатынын рәһбәри Мөһсин Фәхризадәни террор едәрәк шәһид етдиләр.
Шәһид Мөһсин Фәхризадә тәкҹә Ислам Дүнјасы сәвијјәсиндә дејил, Үмүдүнја сәвијјәли бир алим иди. Американын Фореиҝн Полиҹј нәшријјатынын вердији ачыгламасына ҝөрә, Мөһсин Фәхризадә дүнјанын ән ҝүҹлү 500 адамы сијаһысында олан вә Иран Ислам Республикасынын беш шәхсијјәтиндән бири иди. Иран Ислам Республикасынын Нју-Јоркда, БМТ-дәки даими сәфири вә нүмајәндәси Мәҹид Тәхт Рәванчинин билдирдијинә әсасән, Шәһид Мөһсүн Фәхризадә Ҹорона вирус ашкарлама дәстинин һазырланмасы вә бу дәстин күтләви шәкилдә истеһсал олунмасы сәһәси үзрә дә ән ҹидди аддым атан шәхсләрдән бири иди...
Билдијимиз кими бүнөврәсини террор үзәриндә гуран гејри-легал, ишғалчы сионист режими Иран Ислам Республикасынын Елми Тәдгигат вә Нүвә сәһәси үзрә ән габагҹыл алимләрини террор етмәклә Ислам Республикасынын елми вә мүдафијә сәвијјәсини ашағы ҝәтирмәк рөјасындадыр. Бундан өнҹә дә террорчу АБШ, Һаҹы Гасим Сүлејманини Шәһид етмәклә Иран Ислам Республикасынын мүдафиә системинә өлдүрүҹү зәрбә ендирдији хүлјаларында иди. Амма дүшмән гүввәләри буну унудурлар ки, Мөһсүн Фәхризадә вә онун кими шәхсијјәтләри шәһадәтә јетирмәклә Исламчы алимләр вә ҹаван нәсил, елми саһәләрдә даһа јүксәк сүрәтлә ирәли аддым атыб, уғур гүлләләрини фәтһ едәҹәкләр. Чүнки Шәһид Мөһсүн Фәхризадә Елм вә Идарәетмә саһәси үзрә өзүндән сонра хејли елми әсәрләр гојмуш вә елит тәләбләр јетишдирмишдир.
Биз, Гум Елми Һөвзәсиндә тәһсил алан Азәрбајҹан Республикасынын Руһаниләри Мәрһум Доктор Мөһсүн Фәхризадәнин шәһадәти илә бағлы башда Имам Заман һәзрәтләри олмагла, О һәзрәтин һагг наиби Имам Хаменеи һәзрәтләринә, Али Тәглид Мәрҹәләринә, үмум бәшәријјәтә, Иран халгына, хүсусилә дә мәрһумун јахынларына тәбрик әрз едир вә дәрин һүзнлә башсағлығы веририк.
Биз, билдиририк ки, бәшәријјәтин тәрәггиси үчүн өмүрүнү елм саһәсиндә сәрф едән елит алимин сионист режими тәрәфиндән террор едилмәси БМТ-нин ганунларына зид вә Гәрби Асијада дәһшәтли бир гаршыдурманын аловландырылмасы үчүн нәзәрдә тутулмуш аддымдыр. Бу сәбәбдән дә БМТ Баш Катиби вә Тәһлүкәсизлик Шурасындан тәләб едирик ки, гәтијјтлә сионист режиминин бу аддымыны мәһкум етмәли вә бу террорчу режимә гаршы лазымы өлчүнү ҝөтүрмәлидир.
Гум Елми Һөвзәси
13.04.1442 Һ.Г
09.09.1399 Һ.Ш
29.11.2020
Диггәт! Хәбәрдән истифадә етдикдә мәнбәјә истинад лазымдыр!
