АБНА24 Хәбәр Верир, Илһам Әлијев сон заманлар Азәрбајҹан Республикасынын нәзарәтинә кечмиш Ағдам рајонуна сәфәри заманы рајонун дағыдылмыш мәсҹиди гаршысында дејиб: Дағлыг Гарабағда мүһарибә битдикдән сонра бәзи Гәрб өлкәләри башчыларындан бир групу бу торпаглардакы христиан дини мәканлары илә бағлы нараһатлыг ифадә едир. Азәрбајҹан Республикасынын президенти сөјләјиб: Һеч ким бу барәдә нараһат олмамалыдыр, хүсусән Гәрб өлкәләринин лидерләри, Исламофобија һиссләрини тәһрик едәнләр, Ислам мүгәддәсләринә едилән һөрмәтсизлији ҝөрмәмәзлијә вуранлар вә һәтта бу мүгәддәсләрә һөрмәтсизлик едәнләри һаглы һесаб едәнләр. Әлијев дејиб: Онларын бу һагда бәһс етмәјә һаглары јохдур. Азәрбајҹан Республикасы боју мөвҹуд олан бүтүн дини мәканлар бизим тарихи сәрвәтимиздир. О, Азәрбајҹан Республикасы һөкумәтинин өлкәдәки бүтүн дини мәканларын горунмасына хүсуси диггәт јетирдијини билдирәрәк, дејиб: Бизи ким тәнгид едә биләр; мәсҹидләри бағлајанлар вә ја кәсилмиш донуз башыны мүсәлманларын мәсҹидләринә атанлар? Әлијев ермәниләрин ишғалдан азад едилмиш Зәнҝилан вә Ҹәбрајыл рајонларынын мәсҹидләриндә дә донуз сахладыгларына ишарә едәрәк вурғулајыб: Дағлыг Гарабағ мүнагишәсинин сүлһ јолу илә һәлли вәзифәсинә малик олан Минск групуна үзв өлкәләр дә дахил олмагла бәзи өлкәләрин сәфирләри бир нечә ил әввәл бу мәсҹидләрдә олублар, амма нијә бу мәсәләни галдырмајыблар? Нә үчүн бу вәзијјәт Гәрб өлкәләрини нараһат етмәјибдир? Әлијев дејиб: Бу о демәкдир ки, онлар мүсәлманларын мәсҹидләрини тәһгир етмәји, өкүз вә донузлары бу јерләрдә сахламағы вә мәсҹидләри дағытмағы сәһв һесаб етмирләр. Әҝәр беләдирсә, фикирләрини ачыг шәкилдә билдирмәли, өлкәләринин проблемләрини һәлл етмәклә мәшғул олмалы вә бизим ишимизә гарышмамалыдырлар.
342/
