Вәлијје Фәгиһин Әрдәбил вилајәтиндәки нүмајәндәси бир груп Бәрдә сакининин шәһид олмасы мүнасибәтилә башсағлығы вериб

АБНА24 Хәбәр Верир, Ајәтуллаһ Сејид Һәсән Амелинин мүраҹиәтинин мәтнини тәгдим едир;

بسم الله الرحمن الرحیم

"وَلَا تَحْسَبَنَّ اللَّهَ غَافِلًا عَمَّا یَعْمَلُ الظَّالِمُونَ"

Бөјүк тәәссүф вә кәдәрлә хәбәрдар олдуг ки, Гарабағы ишғал едәнләр өзләринин сон әбәс сәјләриндә Бәрдә шәһәрини ракет атәшинә тутараг, 21 нәфәри шәһид едиб, јетмишдән чох инсаны исә јаралајыблар. Шәһидләрин тикә-тикә олмуш ҹәназәләринин тәсвири виҹданы олан һәр бир инсаны пәришан едир.

Бу ҝүн Трамп Америка ермәниләринин сәсләрини итирмәмәк үчүн Гарабағы ишғал едәнләрлә әлбир олуб вә бу әзизләрин ганлары Америка һөкмдарларынын нәһс әлләриндән дамыр. Тәәссүфләндириҹи һалдыр ки, бејнәлхалг тәшкилатлар инсанларын үзәринә гијмәт гојублар вә мүсәлманларын ганлары вә һәјатларына дәјәр вермирләр. Инсани, дини вә ингилаби вәзифәјә ҝөрә, бу ҹинајәти пилсләјир вә бөјүк Азәрбајҹан халгына, хүсусән бу гәддарҹасына ган ахыдылмасында үрәкләри дағланмыш аиләләрә башсағлығы веририк. Әминик ки, Азәрбајҹанын мүсәлман ҝәнҹләри «Аллаһу-Әкбәр!» вә «Ла Илаһә Илләллаһ!» шүарлары илә бу әзизләрин интигамыны алаҹаглар.

Сејид Һәсән Амели, Вәлијје Фәгиһин Әрдәбил вилајәтиндәки нүмајәндәси вә Әрдәбилин имамҹүмәси.

11 рәбиуләввәл, 1442-ҹи һиҹри гәмәри или

7 абан 1399-ҹу ҝүнәш или

342/