АБНА24 Хәбәр Верир, Рафаел Гросси бу мүсаһибәдә Ирандакы ики сајтда тәфтиш мәсәләси барәдә Иран илә аҝентлијин мүфәттишләри арасында јахшы әмәкдашылғын олдуғуну билдириб. Гејд едиб ки, Иран илә аҝентлик арасындакы һәмкарлыглар јахшы сәвијјәдәдир вә аҝентлијин мүфәттишләри мүнтәзәм шәкилдә Иранын нүвә сајтларына бахыш кечирирләр. Иран вә Атом Енержиси үзрә Бејнәлхалг Аҝентлик өтән август ајында аҝентлијин баш директорунун Теһрана сәфәри вә Иран рәсмиләрилә мүзакирәләринин сонунда разылашдылар ки, өз әмәкдашлыгларыны даһа да артырсынлар. Онлар гәрара ҝәлдиләр ки, 2016-ҹы илин он алты јанварындан бәри көнүллү вә мүвәггәти шәкилдә Иран тәрәфиндән иҹра едилмәкдә олан мүаһидә үзрә әһатәли анлашманын вә она әлавә едилмиш протоколун там шәкилдә иҹра едилмәси мәгсәдилә гаршылыглы етимады јүксәлтсинләр. Бу истигамәтдә Иран көнүллү сурәтдә аҝентлик тәрәфиндән тәјин едилмиш ики мәкана әлчатанлыг вериб вә бу мәсәләләрин һәлл едилмәси үчүн аҝентлијин фактарашдырыҹылыг фәалијјәтләрини асанлашдырыбдыр. Нүвә анлашмасынын үзвләри Иранын бу гәрарыны алгышлајараг, ону анлашманын горунмасы вә давам етмәси истигамәтиндә атылан мүсбәт аддым кими дәјәрләндирибләр.
342/
