АБНА24 Хәбәр Верир, дүнән Түркијәнин хариҹи ишләр назири Мөвлуд Чавушоғлу вә онун азәрбајҹанлы һәмкары Ҹејһун Бајрамов арасында телефон данышығы баш тутуб. Телефон Сөһбәти заманы Азәрбајҹан Республикасынын Ермәнистан тәрәфиндән ишғал едилмиш әразиләринин азад едилмәси вә реҝионда давамлы сүлһүн бәргәрар едилмәси ваҹиблији вурғуланыб. Азәрбајҹан Республикасынын хариҹи ишләр назири, һәмчинин дүнән Москваја сәфәр едәрәк, русијалы һәмкары Серҝеј Лавров илә ҝөрүшүб вә Гарабағ мүһарибәси әтрафында фикир мүбадиләси апарыб. Рәсми Анкаранын Бакыны дәстәкләмәси Гарабағда гаршыдурманын кәскинләшмәсинә сәбәб олуб вә мүнагишәнин динҹ јолла һәлл едилмәсинә бир манеәјә чеврилиб, һәмчинин реҝион өлкәләри арасында етираз далғасынын јаранмасына сәбәб олуб. Азәрбајҹан Республикасы илә Ермәнистан арасында гаршыдурмалар сентјабрын 27-дән башлајыб вә һәр ики тәрәфдән ағыр иткиләрлә нәтиҹәләниб вә индијәдәк АТӘТ-ин Минск Групунун васитәчилији илә Гарабағ мүнагишәсинин һәлли истигамәтиндәки сәјләр һеч бир нәтиҹә вермәјиб.
342/
