АБНА24 Хәбәр Верир, Р, Хариҹи Ишләр Назирлијиндән верилән мәлумата ҝөрә, телефон данышығы заманы назир Ҹејһун Бајрамов Москва шәһәриндә Русија Хариҹи Ишләр назиринин васитәчилији илә кечирилән Азәрбајҹан, Ермәнистан Хариҹи Ишләр назирләринин ҝөрүшү барәдә Түркијәли һәмкарыны мәлуматландырыб. Назир Азәрбајҹан вә Ермәнистан тәрәфи арасында һуманитар мәгсәдләрлә мүвәггәти атәшкәсин елан олундуғуну, маһијјәт етибарилә данышыгларын апарылмасы вә Ермәнистан гошунларынын Азәрбајҹанын ишғал олунмуш әразиләриндән чыхарылмасына даир Ермәнистана сонунҹу шансын верилдијини гејд едиб. Мевлүт Чавушоғлу Түркијәнин әсирләрин вә ҹәсәдләрин дәјишдирилмәси үчүн елан едилән атәшкәсин өнәмли бир аддым олмагла јанашы, давамлы һәлл јолу олмадығыны вә Түркијәнин јалныз Азәрбајҹанын гәбул едәҹәји һәлл јолуну дәстәкләјәҹәјини вурғулајыб. Назир Ҹејһун Бајрамов Азәрбајҹанын принсипиал мөвгејинә истинад едәрәк бөлҝәдә сүлһүн тәмин едилмәси үчүн БМТ ТШ-нин мүвафиг гәтнамәләринин һәјата кечирилмәсинин зәрурилијини гејд едиб.
342/
