АБНА24 Хәбәр Верир, АБШ Президенти Доналд Трамп Демократ партијасындан президентлијә намизәд Ҹозеф Бајденлә октјабрын 15-дә кечирилмәси нәзәрдә тутулан виртуал форматда теледебатда иштиракдан имтина едиб. Онун сечки гәрарҝаһы нөвбәти теледебатлары ҝәлән һәфтәјә кими тәхирә салмағы тәклиф едиб. Демократлар исә графики дәјишмәјә разылыг вермәјәрәк бәјан едибләр ки, октјабрын 22-дә кечириләҹәк теледебат сонунҹу олаҹаг. Президентин бу аддымыны шәрһ едән АБШ-ын Гәрби Миссури Университетинин сијаси елмләр үзрә досенти Мелинда Ковач Трампын теледебата гатылмамасыны стратежи һәрәкәт кими гијмәтләндирәрәк билдириб ки, бунун архасында Президентин сағламлыг дурумуну ҝизләтмәк истәји дајана биләр: "Әҝәр Трамп һәгигәтән дә коронавируса јолухубса, теледебатын тәхирә салынмасындан газанан јенә онун сечки гәрарҝаһы олаҹаг. Бу јолла Трампын сәһһәтинин ағыр олдуғуну ҝизләдә биләҹәкләр". Експерт Трампын сечкигабағы теледебатдан имтина етмәклә Бајденин сијаси мөвгејини мөһкәмләндирмәсинин гаршысыны алмаға чалышдығыны да истисна етмәјиб. Чүнки сечкигабағы тәшвигатын биринҹи мәрһәләсиндән сонра кечирилмиш сорғулар Бајденин Трампдан ирәлидә олдуғуну ҝөстәриб.
342/
