АБНА24 Хәбәр Верир, Азәрбајҹан Президентинин көмәкчиси Һикмәт Һаҹыјев Ермәнистанын Азәрбајҹанын мүһүм мүлки инфраструктуруну мәгсәдли шәкилдә һәдәф алмасынын даһа бир сүбуту барәдә твит пајлашыб. Минҝәчевирдә 1-6 №-ли енержи блокларынын гаршысына дүшән ракетин фотоларыны пајлашан Һ.Һаҹыјев онун партламадығыны билдирәрәк, јазиб: "Ермәнистанын ағлыны башына јығымасы вә мәсулијјәтини дәрк етмәси үчүн Сүлһә мәҹбуретмә давам етмәлидир". Гејд едәк ки, дүнән ахшам саатларында Ермәнистан силаһлы гүввәләри Минҝәчевир истилик електрик стансијасыны (ИЕС) һәдәф алыблар. Онларын атдығы 3 орта мәнзилли ракетләрдән бири ИЕС-ин гаршысына дүшүб, лакин партламајыб. Һазырда әразијә Фөвгәладә Һаллар Назирлијинин гүввәләри вә АНАМА нүмајәндәләри ҹәлб олунублар. Бир гәдәр әввәл һадисә илә бағлы мәлумат јајан Баш Прокурорлуг билдириб ки, Минҝәчевирә 3 ракет атылыб. Онлардан икиси партламајыб. Партламајан ракетләрдән бири Минҝәчевир ИЕС ММҸ-нин гаршысына дүшүб. Ракетләрдән биринин партламасы нәтиҹәсиндә исә 5 мүлки шәхс хәсарәт алыб.
342/
