АБНА24 Хәбәр Верир, Маһмуд Ваези бәзи медиаларын Иран тәрәфиндән Ермәнистана көмәјин едилмәсинә даир иддиалары тәкзиб едиб. Билдириб ки, Теһран-Бакы әлагәләри әсассыз шајиәләрин тәсири алтына дүшмәјәҹәк. Ваези бу ҝүн Азәрбајҹан Республикасынын баш назир мүавини Шаһин Мустафајевлә телефон әлагәси сахлајараг, билдириб ки, Иранын Ермәнистана көмәјинә даир шајиәләр сәмими Теһран-Бакы әлагәләрини позмаг мәгсәдилә ирәли сүрүлүр. О, дејиб ки, Иран-Азәрбајҹан Республикасы мүнасибәтләринин бәдхаһларынын һәрәкәтләри нәтиҹәсиз галаҹаг. Ваези һәмчинин Азәрбајҹан Республикасы илә Ермәнистан арасында баш верән мүнагишә вә дөјүшләрдән нараһатлыг ифадә едиб. Билдириб ки, Иран сон олајлары диггәт вә ҹиддиликлә изләјир вә ики өлкә арасындакы ихтилафларын һәлли үчүн бејнәлхалг һүгуг нормалары вә ганунлары чәрчивәсиндә диалог вә мүзакирә јолу илә һәр һансы көмәји ҝөстәрмәјә һазырдыр. Азәрбајҹан Республикасынын баш назир мүавини Шаһин Мустафајев дә бу телефон сөһбәтиндә Ираны Азәрбајҹан Республикасынын досту вә јахшы гоншусу адландырыб. Дејиб ки, ики өлкә гаршылыглы сәмими мүнасибәтләрә маликдир вә бу сәмими әлагәләрин әлејһдарлар тәрәфиндән позулмасына јол верилмәмәлидир.
342/
