АБНА24 Хәбәр Верир, Ливанда баш назир Мустафа Адиб јени һөкумәт кабинети гурмагдан имтина етдији вә постундан истефа вердијини ачыглајыб. "Мән үзр истәјирәм... Сијаси блоклар кабинетин формалашдырылмасы наминә разылашманы поздулар. Онлар һөкумәтин гурулмасы просесини сијасиләшдирмәкдән ваз кечмәдиләр", дејә Мустафа Әдиб президент Мишел Оун илә ҝөрүшдән сонра билдириб. Мустафа Әдиб Ливанда вәзијјәти сабитләшдирмәк үчүн Франсанын истәкләринин нәзәрә алынмасынын зәрурилијини вурғулајыб: "Биз Ливаны хилас етмәк үчүн Франса Президенти Еммануел Макронун сијаси бөһранын һәлли илә бағлы тәшәббүсүнү һәјата кечирмәјә давам етмәлијик". Ливан президенти Мишел Оун исә Мустафа Әдибә тәшәккүрүнү билдирәрәк, онун истефасыны гәбул едиб. Хатырладаг ки, августун 4-дә Бејрут лиманында баш верән партлајышдан сонра Ливанда һөкумәтин истефасыны тәләб едән күтләви аксијалар кечирилиб. Нәтиҹәдә Ливан һөкумәти истефа вериб. Даһа сонра 2013-ҹү илдән Ливанын Алманијадакы сәфири олан Мустафа Әдибин өлкәнин баш назири постуна намизәдлији ирәли сүрүлүб, Ливанын кечмиш баш назири вә өлкәнин ән бөјүк сүнни партијасынын лидери Сәәд әл-Һәрири, Һизбуллаһ һәрәкаты вә Вәлид Ҹумбәлатын лидери олдуғу Прогрессив Сосиалист Партијасы онун намизәлијини дәстәкләјиб. Парламентдә дә намизәдлији бөјүк сәс чохлуғу илә дәстәкләнән Мустафа Әдиб августун 31-дә Президент Мишел Оун тәрәфиндә бу поста тәјин олунуб.
342/
