АБНА24 Хәбәр Верир, буну Иран президенти БМТ Баш Ассамблејасынын 75-ҹи сесијасында дејиб. Һәсән Руһани вурғулајыб ки, бу ҝүн дүнја халгларынын зоракылыг вә голчомаглыға «јох!» демәләринин заманыдыр. Иран Ислам Республикасынын президенти Теһран вахты илә чәршәнбә ахшамы ҝүнү ҝеҹә БМТ Баш Ассамблејасынын 75-ҹи сессијасында видеоформатда етдији чыхышында билдириб ки, һөкмранлыг вә һеҝемончулуг дөврү баша чатыб. О, дејиб : Тәһлүкәсизлик Шурасы тәрәфиндән Американын бу шурадан вә 2231 сајлы гәтнамәдән ганунсуз вә бир васитә кими истифадә етмәсинә ики дәфә гәтијјәтли «јох!» дејилмәси, Гәрбдәнсонракы дүнјада бејнәлхалг системин кечид дөврүндә һеҝемончулуг иддиасында олан бир режимин, өзүнүн дүзәлтдији белә бир тәҹридә чөкмәси гаршысында Иран үчүн гәтијјәтли бир гәләбәдир. Руһани сөјләјиб: Санксија илә јашамаг чәтиндир, амма ондан ән чәтини, истиглалијјәтин олмадығы бир шәраитдә јашамагдыр. О, гејд едиб ки, Иран Гәрби Асијада ән гәдим бир демократија кими өз демократијасы илә гүрур дујур. Иран президенти билдириб ки, бәзиләри инсан һагларындан данышырлар, лакин максимум тәзјиг илә бүтүн иранлыларын мәишәти, сағламлығы вә һәтта јашамаг һаггыны һәдәфә алыблар. О, сонра дејиб: Өзү вә әлалтылары Фәләстин, Әфганыстан, Јәмән, Сурија, Ираг, Ливан, Ливија, Судан вә Сомалидә мөвҹуд олан һәр бир мүһарибә, ишғал вә тәҹавүздә бирбаша шәкилдә муһарибә гызышдырмагла мәшғулдурлар, лакин реҝион халгларынын ирадәси гаршысындакы гәти мәғлубијјәтләриндә Иранын мәсулијјәт дашыдығыны билдирирләр. Руһани һәмчинин диалог чағырышчысы кими, һәмчинин ифратчылыг вә ишғал илә мүбаризә, сүлһ вә сабитлик меһвәри кими Ислами Иранын парлаг кечмишиндән һиссәләри садалајараг, белә гејд едиб: Бәзиләри иддиа едибләр ки, Сәддам илә мүбаризә үчүн бөлҝәјә ҝәлибләр, һалбуки онларын өзләри бу горхунҹ варлығы Ирана гаршы иҹбар мүһарибәдә ҝүҹләндирдиләр вә һазырда да терроризм вә ИШИД илә мүбаризәдән дәм вурурлар ки, өзләри ону јарадыблар вә өзләринин бу ҹинајәти үчүн реҝион халгларына тәләбкар кими дә јанашырлар. Иран Ислам Республикасынын президенти Гәрби Асијаја јүз милјардларла доллар силаһ сатышына вә бу бөлҝәнин барыт анбарына чеврилмәсинә ишарә илә, дејиб: Америкалылар јаландан Ираны нүвә силаһы дүзәлтмәјә сәј ҝөстәрмәкдә иттиһам едирләр, һалбуки бәшәријјәт тарихиндә нүвә силаһындан истифадә ҹинајәтини тәкҹә өз адларына гејдә алдырыблар вә Гәрби Асија бөлҝәсиндә нүвә силаһына малик олан јеҝанә режим, онларын марионетидир.
342/
