АБНА24 Хәбәр Верир, Иранын БМТ Инсан Һаглары Шурасындакы сәфири, АБШ-ын биртәрәфли санксијаларынын милјонларла инсанын һүгугларыны кобуд шәкилдә поздуғуну вурғулајыб. Иран Ислам Республикасынын Ҹеневрәдәки Сәфири вә Даими Нүмајәндәси, Базар ертәси ҝүнү Ҹеневрәдә башлајан БМТ Инсан Һаглары Шурасынын гырх бешинҹи иҹласынын илк ҝүнүндә, АБШ-ын биртәрәфли вә ганунсуз санксијаларынын һәдәф өлкәләрдә милјонларла инсанын һагларынын кобуд позунтуларына зәмин јаратдығыны билдириб, Инсан Һүгуглары Шурасыны АБШ режимини мәсулијјәтә ҹәлб етмәк үчүн өз гануни вә мәнәви мәсулијјәтини јеринә јетирмәјә чағырыб. Өлкәмизин Ҹеневрәдәки сәфири Исмаил Бәғаеи Һаманеһ, Корона вирусунун баш галдырмасынын бәшәријјәтин үзләшдији чәтинликләрин өһдәсиндән ҝәлмәк үчүн чохтәрәфли, әмәкдашлыг вә бејнәлхалг бирлијин ваҹиблијини бир даһа вурғулајараг, Бејнәлхалг иҹтимаијјәтин тәкрарланан ганунсуз санксијалара сон гојма чағырышларына мәһәл гојмамағын, коронавирусла мүбаризә үзрә бејнәлхалг сәјләрдә бөјүк мәнфи тәсирләри олдуғуну да әлавә едиб. Һаманеһ АБШ һөкумәтинин гејри-инсани санксијаларыны АБШ һөкумәти тәрәфиндән инсан һагларынын кобуд вә систематик шәкилдә позулмасы адландырыб вә бунунла мүбаризә үчүн һәртәрәфли глобал фәалијјәтә еһтијаҹ олдуғуну гејд едиб. БМТ Инсан Һаглары Шурасынын иҹласы базар ертәси ҝүнү Ҹеневрәдә БМТ-нин гәрарҝаһында ишә башлајыб вә 4 һәфтә давам едәҹәк. Топлантынын илк ҝүнүндә Авропа Бирлији, Беларусда президент сечкиләриндән сонра инсан һагларынын вәзијјәти илә бағлы тәҹили хүсуси иҹласа чағырыб, һансы ки, бәзи үзв дөвләтләрин етиразына бахмајараг һәмин истәк тәсдигләниб.
342/
