АБНА24 Хәбәр Верир, јунан медиалары хатырладыблар: "Афина бу ҝүн рәсми шәкилдә НАТО-ну Аралыг дәнизиндә Анкаранын потенсиал тәһдидләри гаршысында Афинаны горумаг мәгсәдилә бир сыра аддымлар атмаға чағыраҹаг". Бундан әввәл хәбәр мәнбәләри НАТО-нун Јунаныстан илә Түркијә арасында мүбаһисәләри һәлл етмәк үчүн васитәчилик етмәсини тәклиф етдијини, Афинанын исә НАТО-нун васитәчилик тәклифинә гаршы чыхдығыны билдирибләр. Сон һәфтәләрдә Шәрги Аралыг дәнизиндә Түркијәнын ахтарыш-кәшфијјат әмәлијјатлары илә әлагәдар, бу өлкә илә Јунаныстан арасында ҝәрҝилнликләр кәскинләшибдир. Јунаныстан илә јанашы бәзи Авропа өлкәләри Түркијәнин һәрәкәтләрини ганунсуз вә тәһрикедиҹи һесаб едирләр вә Анкараја онларын фәсадлары барәдә хәбәрдарлыг едибләр. Лакин Түркијә Аралыг дәнизи, Гара дәниз вә Еҝеј дәнизиндә јалныз өз һүгугларыны мүдафиә етдијини сөјләјиб. Түркијә илә Јунаныстан арасында Шәрги Аралыг дәнизиндә нефт вә газ ресурслары илә бағлы ҹидди фикир ајрылыглары мөвҹуддур. Сон һәфтәләрдә Аралыг дәнизинин шәргиндә нефт вә газ ресурслары илә әлагәдар Јунаныстан илә Түркијә арасында јаранан ҝәрҝинликләр вә Түркијәнин Јунаныстанын саһилләри јахынлығында ахтарышлара башламасы ики өлкәни һәрби гаршыдурманын астанасына сүрүкләјиб.
342/
