АБНА24 Хәбәр Верир, Франсыз «Ҹһарлие Һебдо» нәшри сон заманлар һәјасызҹасына бир һәрәкәтдә әзиз Ислам Пејғәмбәри(с.ә.с.) барәдә һөрмәтсиз вә галмагаллы карикатуралары бир даһа дәрҹ едибдир. Беш мин иранлы һүгугшүнас дүнән бир бәјанатда франсыз нәшрин һөрмәтсиз һәрәкәтини либерал-демократија, модернизасија вә модерн ҹаһиллијин диҝәр бир тәзаһүрү адландырыбдыр. Бәјанатда дејилир: Франсыз нәшрин биабырчы һәрәкәти Франса мәтбуат азадлығы ганунунун 32-ҹи маддәсинә ҝөрә дә ҹинајәт һесаб олунан мүлки вә сијаси һүгуглар һаггында Бејнәлхалг Пактын 19-ҹу маддәсинин үчүнҹү бәндиндән илк бөлмәнин, Үмумдүнја Инсан һүгуглары Бәјаннамәсинин 1-ҹи вә 18-ҹи маддәләринин, еләҹә дә дин, инам вә әгидә азадлығы һаггынын ашкар сурәтдә позулмасы, мүгәддәсләрә һөрмәтсизлик вә нифрәтјајманын бариз нүмунәси сајылыр. Иранлы һүгугшүнаслар вурғулајыблар ки, мәтбуат вә тәфәккүр азадлыглары динләрә һөрмәтсизлик, зоракылыг вә нифрәтјајма илә әлдә олунмур. Онлар сонра белә гејд едибләр: Дүнјада һәр һансы медиа тәрәфиндән Ислам дининә гаршы һәр ҹүр гејд, тәсвир, хәбәр вә карикатуранын нәшр едилмәси писләнилир вә бу һәрәкәтләрин амилләри, онлара ҝөстәриш верәнләр вә онлары һәјата кечирәнләр сәлаһијјәтли мәһкәмәләрдә мүһакимә олунмалыдырлар.
342/
