АБНА24 Хәбәр Верир, Сәуд режимини тәнгид едән журналист Ҹамал Гашыгчы 2018-ҹи илин октјабрында Әрәбистанын Истанбулдакы консуллуғуна ҝирдикдән сонра иткин дүшдү. Сәуд режими өнҹә сүкут едәрәк, бу маҹәраны тәкзиб етди, лакин дүнја иҹтимаијјәтинин тәзјигләри алтында нәһајәт билдирди ки, Гашыгчы бу өлкәнин консуллуғунда гәтлә јетирилибдир. Сәуд прокурорлуғу дүнән бир мәлуматда билдириб ки, Ҹамал Гашыгчынын гәтли ҹинајәтинин хүсуси ҹәһәти, онун аиләсинин әфви илә баша чатыб; онун үмуми ҹәһәти барәдә исә, мәһкумлардан беш нәфәрин һәр бири 20, бир нәфәр 7, ики нәфәр исә он ил һәбсә мәһкум олунуб. Бу мәлумата ҝөрә, Ҹамал Гашыгчынын гәтли мәсәләси хүсуси вә үмуми ҹәһәтләрдә баша чатыб вә бу һөкмләр јекун һөкмләр олараг, иҹра едилмәлидирләр. Гашыгчынын өвладлары аталарынын гатилләрини әфв етдиләр. Бу, елә бир һалда олубдур ки, Гашыгчынын гәтлиндән бәри онлар Әрәбисантандан чыхмаг иҹазәсинә малик дејилдиләр. Диҝәр тәрәфдән, Гашыгчы ишинин мәһкумлары барәдә һөкмләр елә бир һалда верилибдир ки, бир чох инсан һаглары даирәләри сәуд вәлиәһди Муһәммәд бин Салманы вә бин Салмана јахын олан ики нәфәри- Сәуд Әлгәһтанини вә Әһмәд Әсирини биринҹи дәрәҹәли мүттәһимләр һесаб едирләр. Лакин бу үч нәфәр индијәдәк һеч бир мәһкәмә иҹласында иштирак етмәјибдир. Бундан өнҹә Әрәбистан вәлиәһди Муһәммәд бин Салман ПБС американ телеканалы илә мүсаһибәдә сәуд амилләри тәрәфиндән Ҹамал Гашыгчынын гәтли мәсулијјәтини өз үзәринә ҝөтүрмүшдү.
342/
