АБНА24 Хәбәр Верир, јул дөјүшләри заманы вә ондан сонра Русијадан Ермәнистана үмумиликдә 9 учуш һәјата кечирилиб. Сон ҝүнләрдә исә Русијадан Ермәнистан истигамәтдә учушларын сајында артым мүшаһидә олунур. Нәтиҹәдә Русијадан Ермәнистана “ИЛ-76” тәјјарәләри васитәсилә 510 тондан чох һәрби јүкүн тәдарүк едилдији гејдә алыныб. Бунун ардынҹа Азәрбајҹан президенти Илһам Әлијев Русијанын дөвләт башчысы Владимир Путинлә телефон данышығы заманы ијул дөјүшләри фонунда Москванын Ирәвана һәрби техника тәдарүк етмәсиндән нараһат олдуғуну билдириб. Бунун ардынҹа Русијанын мүдафиә назири Серҝеј Шојгу августун 25-дә “Дәниз Кубоку” бејнәлхалг мүсабигәсинин ачылыш мәрасиминдә иштирак етмәк үчүн Азәрбајҹана ишҝүзар сәфәр едиб. О, силаһ тәдарүкү илә бағлы шүбһәләрдән данышаркән дејиб ки, әслиндә, Русијадан Ермәнистана Ҝүмрүдәки 102-ҹи һәрби базадакы тикинти ишләрилә әлагәдар иншаат материаллары дашыныр. Лакин Шојгунун бу изаһы Азәрбајҹан рәһбәрлијини гане етмәјиб. Азәрбајҹан Республикасы Президент Администрасијасында Хариҹи сијасәт мәсәләләри шөбәсинә рәһбәрлик едән Һикмәт Һаҹыјев билдириб ки, “Ҝуја тәјјарәләрин тикинти материаллары дашыдығы барәдә ҹаваб бизи гане етмир. Јүк материаллары башга јолларла да дашына биләр”. Милли Истиглал Партијасынын сәдри, сабиг милләт вәкили Фәрәҹ Гулијев медиаја ачыгламасында Ермәнистана јени силаһ тәдарүкүнү һәмин дөвләтин нөвбәти тәхрибата һазырлашмасынын мүгәддимәси кими гијмәтләндириб. Онун сөзләринә ҝөрә, Ермәнистана јүзләрлә тон силаһын ҝөндәрилмәси вә Никол Пашинјанын Хоҹалыја ҝетмәси Ермәнистанын јени тәхрибата һазырлашдығыны ҝөстәрир. Әлбәттә бир шеј мәлумдур ки, Москвадан Ирәвана силаһ тәдарүкү бу ики өлкә арасында мөвҹуд стратежи һәрби әмәкдашлыг фонунда һәјата кечирилир. Русијанын Ермәнистанын Ҝүмрү шәһәриндә 102-ҹи һәрби базасынын, Ирәванда исә авиасија базасынын јерләшдијини гејд етмәк јеринә дүшәр. Ермәнистан һәр заман Русијанын һәрби дәстәјинә архаланыр. Москва Ирәвана дәфәләрлә пулсуз силаһ, һәмчинин “Искәндәр” ракет комплекси ҝөндәриб. Азәрбајҹанда дејилир ки, Москванын һәрби дәстәји олмасајды, Ирәван Азәрбајҹан әразиләрини ишғал алтында сахлаја билмәзди. Диҝәр експертләр исә дүшүнүр ки, Москва Ирәванла Бакыны мүһарибә вәзијјәтиндә сахламагла онларын үзәриндә, нәтиҹә етибары илә бүтүнлүкдә реҝионал мәсәләләрә нәзарәтини давам етдирмәјә чалышыр.
342/
