АБНА24 Хәбәр Верир, Москвада ишҝүзар сәфәрдә олан Азәрбајҹан Республикасынын мүдафиә назири ҝенерал-полковник Закир Һәсәнов сентјабрын 5-дә Пакистан Ислам Республикасынын Бирләшмиш Гәрарҝаһ Рәисләри Комитәсинин сәдри ҝенерал Надим Рза илә ҝөрүшүб. Азәрбајҹан Республикасы Мүдафиә Назирлијинин билдирдијинә ҝөрә, ҝөрүшдә ики өлкә арасында әнәнәви достлуг вә гаршылыглы етимадын, еләҹә дә Азәрбајҹан-Пакистан әлагәләринин јүксәлән хәтлә инкишаф етмәсиндән вә стратежи тәрәфдашлығын сәвијјәсиндән мәмнунлуг ифадә олунуб. Реҝиондакы һәрби-сијаси вәзијјәтә тохунан ҝенерал-полковник Закир Һәсәнов Ермәнистан-Азәрбајҹан мүнагишәси барәдә данышыб, бу проблемин һәллиндә Пакистанынын Азәрбајҹанын әдаләтли мөвгејини бејнәлхалг тәшкилатларда да дәстәкләмәсинә ҝөрә миннәтдарлығыны билдириб. Ҝөрүшдә Азәрбајҹан илә Пакистан арасында тәһлүкәсизлик, һәрби, һәрби-техники вә һәрби тәһсил саһәләриндә, терроризмә гаршы мүбаризәдә әмәкдашлығын, Һәрби Һава вә Һәрби Дәниз гүввәләри арасында әлагәләрин ҝенишләндирилмәси, еләҹә дә бирҝә һәрби тәлимләрин кечирилмәси мәсәләләри мүзакирә олунуб.
342/
