АБНА24 Хәбәр Верир, Түркијә һөкумәти Сербија вә Косовонун өз сәфирликләрини Тәл-Әвивдән Гүдсә көчүрмәләрини кәскин формада гынајыб. Түркијә Хариҹи Ишләр Назирлијинин бу хүсусда јајдығы бәјанатда дејилир: "Биз бүтүн өлкәләрдән БМТ-нин гәтнамәләринә әмәл етмәләрини, Гүдсүн тарихи вә гануни статусуна һөрмәт етмәләрини вә Фәләстин-Исраил мүнагишәсинин һәллини чәтинләшдирән аддымлардан чәкинмәләрини истәјирик". Бәјанатда Гүдсүн ишғал едилмәси вә Исраилә бирләшдирилмәси тамамилә гејри гануни аддым адландырылыб. Түркијә Хариҹи Ишләр Назирлији билдириб ки, БМТ-нин гәтнамәләринә әсасән Фәләстин мәсәләси 1967-ҹи ил сәрһәдләри дахилиндә Фәләстин өлкәсинин тәсис едилмәси вә Гүдсүн Фәләстинин пајтахты олмасы јолу илә һәлл едилмәлиди. Буну әсас тутараг хариҹи өлкә сәфирликләринин Гүдсә көчүрүлмәси тамамилә гејри гануни һәрәкәт сајылыр. Косово вә Сербија ҹүмә ҝүнү өз сәфирликләрини Тәл-Әвивдән ишғал едилмиш Гүдс шәһәринә көчүрмәк гәрарына ҝәлдикләрини елан едибләр.
342/
