АБНА24 Хәбәр Верир, бу барәдә Түркијәнин Мүдафиә Назирлији ачыглама вериб. Түркијәнин Мүдафиә Назирлији 16 ијунда башлајан "Пәнҹә-Гаплан" әмәлијјатынын уғурла баша чатдығыны елан едәрәк, бу әмәлијјат чәрчивәсиндә Ирагын шималында 320 ПКК террорчусунун мәһв едилдијини билдириб. Бу мәлумата әсасән һава гүввәләринин дәстәји илә гуру гошунларынын Ирагын шималында баш тутан әмәлијјатын јекун мәрһәләсиндә террорчуларын тәгиб-ахтарыш әмәлијјаты һәјата кечирилиб. ПКК террорчуларына мәхсус бүтүн сығынаҹаг вә мағараларда ахтарышлар апаран Түркијә командолары тәгиб әмәлијјатыны уғурла баша вурублар. Бу әмәлијјат чәрчивәсиндә 269 сығынаҹаг вә 53 мағарада ахтарышлар апарылыб. Түркијә даһа өнҹә дә Ирагын шималында ПКК террорчуларына гаршы "Гартал Пәнҹәси" адлы әмәлијјат һәјата кечирмишди.
342/
