АБНА24 Хәбәр Верир, Һәсән Руһани бу ҝүн назирләр кабинетинин иҹласында Американын Ирана гаршы тәзјиг истигамәтиндәки һәрәкәтләринә ишарә илә дејиб: Нүвә анлашмасынын маддәләриндән олан Иран әлејһинә силаһ санксијаларынын битмәси америкалылара чох ағыр ҝәлир; буна ҝөрә, онлар бу саһәдә бир гәтнамә гәбул етдирмәк истәјирдиләр ки, Тәһлүкәсизлик Шурасынын он үч үзвү Американын гәтнамәси гаршысында дајанды. Руһани һәмчинин нүвә анлашмасы үзрә мүштәрәк комиссијанын Вјана иҹласына тохунараг, сөјләјиб: Бу комиссијанын үзвләри ачыг шәкилдә билдирдиләр ки, нүвә анлашмасынын кәнарындадырлар вә Американын бу анлашмадан суи-истифадә етмәк һаггы јохдур. Иран Ислам Республикасынын президенти гејд едиб ки, бу ҝүн БМТ Тәһлүкәсилзик Шурасында да Теһранын бу саһәдәки бахышы барәдә фикир бирлији вар; бу да Иран үчүн диҝәр бир бөјүк гәләбә олаҹаг вә Америка бу етапда да мәғлуб олаҹагдыр.
342/
