АБНА24 Хәбәр Верир, Иранын хариҹи ишләр назиринин баш көмәкчиси Әлиәсғәр Хаҹи Ҹеневрәдә кечирилән Астана просесинин тәминатчысы олан өлкәләринин нүмајәндәләринин иҹласында Иранын Сурија илә бағлы мөвгејини шәрһ едәрәк, Суријанын милли суверенлији, мүстәгиллији, бирлији вә әрази бүтөвлүјүнә һөрмәтин, һәмчинин реҝионда террорисм илә мүбаризәнин ваҹиблијини вурғулајыб. "Сурија бөһраны Суријадахили диалог вә конститусија комитәсинин фәалијјәтинин давам етдирилмәси јолу илә һәлл олунмалыдыр вә Иран бу комитәнин фәалијјәтинин давамыны дәстәкләмәјә һәр заман һазырдыр", -дејә Хаҹи әлавә едиб. Иранын хариҹи ишләр назиринин баш көмәкчиси Идлибдәки разылашмаларын иҹрасынын ваҹиблијини вурғулајыб вә дејиб: "Оғурланмыш вә ја иткин дүшмүш шәхсләрин мүбадиләси үзрә ишчи групунун фәалијјәтинин јенидән бәрпасы инсани вә етимад јарадан бир мәсәлә олараг, чох ваҹибдир". Астана просесинин зәманәтчиси олан үч өлкә јәни Иран, Русија вә Түркијәнин нүмајәндәләри, һәмчинин БМТ-нин Сурија мәсәләләри үзрә хүсуси нүмајәндәси Ҝиер Педерсен чәршәнбә ҝүнү Ҹеневрәдә бир араја ҝәләрәк, Сурија олајлары, о ҹүмләдән конститусија комитәсинин иҹласы, Идлиб мәсәләси, һәмчинин оғурланмыш вә ја иткин дүшмүш шәхсләрин мүбадиләси үзрә ишчи групун фәалијјәти барәдә данышыб, фикир мүбадиләси апарыблар.
342/
