АБНА24 Хәбәр Верир, Фәләстин Информасија Мәркәзинин мәлуматына ҝөрә, Јусиф Әл-Усејмин дејиб: "Бу тәшкилат Фәләстин халгынын өз гануни вә ајрылмаз һүгуглары, о ҹүмләдән ҝери гајытмаг, өз мүгәддәратыны тәјин етмә вә Шәрги Гүдсүн пајтахлығы илә мүстәгил Фәләстин өлкәсинин тәшкили кими, һүгугларыны тәмин етмәси үчүн истәнилән ҹәһди дәстәкләјәҹәк". Әл-Усејмин бу сөзләри сионист режим илә БӘӘ арасында мүнасибәтләри нормаллашдырмаг планынын еланындан ики һәфтә сонра ирәли сүрүб. Бирләшмиш Әрәб Әмирликләринин сионист режим илә илләрлә гизли әлагәләриндән сонра, АБШ президенти Доналд Трамп августун 13-дә Әбу-Дабинин Тәл-Әвив илә рәсми мүнасибәтләр гурмаг үчүн разылашдығындан хәбәр вериб. БӘӘ-нин вәлиәһди бу һәрәкәти әсасландыраркән, иддиа едиб ки, бу разылашма Гәрб саһилинин Исраил режими тәрәфиндән ишғал олунмуш әразиләрә илһаг едилмәсинин гаршысыны алмаг мәгсәди дашыјыр, Лакин сионист режимин баш назири Бенјамин Нетанјаһу бу иддианы рәдд едиб.
342/
