АБНА24 Хәбәр Верир, бу барәдә "Мүҹтәһид" ләгәби илә танынан әрәбистанлы блоггер мәлумат вериб. Али-Сәуд аиләсинин сирләрини ифша етмәклә мәшғул олан "Мүҹтәһид" бу дәфә Твиттер-дә јазыб: Сәудијјә Әрәбистаны да Исраил илә әлагәләрин нормаллашдырылмасында Бирләшмиш Әрәб Әмирликләри кими аддым атмаг нијјәтиндәдир. Амма, бунун үчүн бир шәрти вар. "Мүҹтәһид" бу ҝүн Твиттер-дә јазыб: Әрәбистан вәлиәһди Мәһәммәд бин Салман вә Америкалылар һазырда Исраилин Әр-Ријад тәрәфиндән рәсмән танынмасына даир сых мүзакирәләр апарырлар. Мүзакирәләрдәки ән өнәмли детал исә мүхалифләрин Мәһәммәд бин Салмана крал олараг бејәт етмәләри мәсәләсидир. "Мүҹтәһид"ин дедијинә ҝөрә бу мәсәләдә Бин Салман илә Трамп һөкумәти арасында фикир ајрылығы мөвҹуддур. Белә ки, америкалылар илк өнҹә Исраил илә сүлһүн бәргәрар едилмәсини, даһа сонра исә краллыг мәсәләсини тәклиф едирләр. Бин Салман исә өнҹә мүхалифләринин она бејәт етмәсини, даһа сонра Исраил илә сүлһүн бәргәрарына тәкид едир.
342/
