АБНА24 Хәбәр Верир, бу сөзләри Иранын мүдафиә назири ҝенерал Һатәми дејиб. Бу мәлумата ҝөрә ҝенерал Һатәми вурғулајыб: Сионист режимин зүлмкарлығы илә мүбаризә апаран бүтүн кәсләрә көмәк едәҹәјик. Иранын мүдафиә назири сонра дејиб: Мүдафиә сәнајеси өлкәнин тәһлүкәсизлији вә мүдафиәсинин стратежи дәринлији вә дајағыдыр. Елм вә технолоҝија да мүдафиә сәнајесинә дајагдыр. Ҝенерал Һатәми сонра белә гејд едиб: Һазырда өлкәнин мүдафиә еһтијаҹларынын дохсан фаизиндән чоху дахили мүтәхәссисләр тәрәфиндән јахшы кејфијјәтлә истеһсал олунур вә һеч бир тәһдид вә санксија бу габилијјәти Иран халгындан ала билмәз. Ҝенерал Һатәми санксијалар барәдә исә белә дејиб: Һеч бир өлкә санксијаны јахшы гаршыламыр, амма мәһдудијјәтләр бизә мане олмајыбдыр. Иран, бу ҝүн әлдә етдикләринә санксијаларын кулминасија нөгтәсиндә наил олубдур. Фүрсәт јаранарса, дүнјанын имканларындан һәм техники еһтијаҹларын тәмини, һәм дә дахили мәһсулларын сатышы саһәсиндә истифадә едәҹәјик. Американын реҝиондан чыхмасы һагда исә Иранын мүдафиә назири белә сөјләјиб: Тәсирли аддымлар атылыб; бу, бүтүн реҝион халгларынын истәјидир. БМТ-нин Тәһлүкәсизлик Шурасында Американын гәтнамә лајиһәсинә мәнфи сәсин верилмәси Американын фөвгәлҝүҹлүк сүмүкләринин сынмасынын сәсини һамыја ешитдирди.
342/
