АБНА24 Хәбәр Верир, Русијанын БМТ гәрарҝаһы јанында Даими Нүмајәндәлијинин рәсмиләриндән бири чәршәнбә ҝүнү Таас-а мүсаһибәсиндә вурғулајыб: "Русија АБШ-ын силаһ ембаргосунун мүддәтинин узалдылмасына даир анти-Иран гәтнамәсинин әлејһинәдир вә бу гәтнамәнин тәсдигләнмәк үчүн һеч бир шансы јохдур". Адынын ачыгланмасыны истәмәјән рус рәсмиси әлавә едиб: "Русија һәлә дә АБШ тәрәфиндән Ирана гаршы силаһ ембаргосунун мүддәтинин узадылмасына даир һазырланыб, БМТ-јә ҝөндәрилән гәтнамә һајиһәсинә гаршыдыр". Рус рәсмиси өлкәсинин БМТ-дә АБШ-ын Ирана гаршы максимум тәзјиг сијасәтини дәстәкләјәҹәк сәнәдин тәсдигләнмәсинә јөнәлик һеч бир ҹәһди гәбул етмәјәҹәјини вурғулајыб. Русијанын БМТ-дәки даими нүмајәндәси Васили Небензја БМТ-нин 30 ијун тарихиндә кечирилән иҹласында, Ирана гаршы АБШ гәтнамәсинин сәс вермәјә гојулса да тәсдигләнмәјәҹәји илә бағлы хәбәрдарлыг едиб. БМТ-нин Ирана гаршы силаһ ембаргосунун мүддәтинин сона чатмасы тарихинә јахынлашдыгҹа, АБШ-ын онун гаршысыны алмаг үчүн ҹәһдләри даһа да артыр. БМТ Тәһлүкәсизлик Шурасынын 2231 сајлы гәтнамәсинә әсасән, силаһ ембаргосунун мүддәти 2020-ҹи ил октјабрын 18 битәҹәк. БМТ Тәһлүкәсизлик Шурасында вето һүгугуна малик Русија вә Чин ашыг шәкилдә бәјан едибләр ки, анти-Иран силаһ ембаргосунун узадылмасына даир АБШ-ын истәнилән һәрәкәтинә гаршыдырлар.
342/
