АБНА24 Хәбәр Верир, АБШ-ын АТӘТ-ин Минск Групундакы кечмиш һәмсәдри Ричард Һогланд дејиб: "Шәхсән мән һесаб едирәм ки, мәсәлә БМТ-нин проблеминә чеврилмәлидир вә јеҝанә јол Дағлыг Гарабағы гејри-мүәјјән мүддәтә БМТ һимајәси алтына вермәкдир. Ҝәләҹәкдә, илләр сонра, емосијаларын сојудуғу заман һәр ики тәрәф БМТ-нин рәһбәрлији алтында ҝәләҹәклә бағлы өз истәкләрини ифадә едә биләҹәкләр”. Америкалы сабиг һәмсәдр бу ачыгламасы илә Дағлыг Гарабағын Азәрбајҹан Республикасына гајтарылмасынын вә өлкәнин әрази бүтөвлүјүнүн бәрпасына гаршы олдуғуну нүмајиш етдириб. Зира Гарабағын гејри-мүәјјән мүддәтә гәдәр БМТ нәзарәтинә верилмәси Азәрбајҹанын бөлҝәјә һакимијјәтини итирмәси демәкдир. Әлавә едәк ки, Дағлыг Гарабағын БМТ идарәчилијинә верилмәси Азәрбајҹан тәрәфдән бөлҝәнин бәри башдан мүбаһисәли әрази кими танынмасы анламына ҝәләрди. Һалбуки рәсми Бакы БМТ Тәһлүкәсизлик Шурасынын 27-28 илдир кағыз үзәриндә галан вә ермәни гүввәләринин Азәрбајҹан торпагларындан гејд-шәртсиз чыхмасыны тәләб едән гәтнамәләринин иҹрасыны тәләб едир.
342/
