АБНА24 Хәбәр Верир, Русијанын Хариҹи Ишләр Назирлији бир бәјанатда, АБШ-ын гыса вә орта мәнзилли јерүстү ракетләрин дүнјанын мүхтәлиф нөгтәләриндә јерләшдирмәсини тәһрикедиҹи бир һәрәт кими дәјәрләндириб. Русијанын Хариҹи Ишләр Назирлији АБШ-ын "Орта мәнзилли нүвә ракетләринин лғәвинә даир сазиш"дән чыхмасы мүнасибәтилә јајдығы бәјанатда, гејд едиб ки, ајдын мәсәләдир ки, АБШ-ын гыса вә орта мәнзилли ракетләрини дүнјанын мүхтәлиф нөгтәләриндә јерләшдирмәси бејнәлхалг вә реҝионал тәһлүкәсизлијә ҹидди шәкилдә зијан вурур вә силаһ јарышынын тәһлүкәли вә јени бир мәрһәләсинин башланмасына сәбәб олаҹаг. Русија бу өлкә үчүн стратежи әһәмијјәт кәсб едән әразисинә гаршы даһа чох ракет тәһдидләринин јаранмасына ҝөз јума билмәз. Русија ХИН даһа сонра әлавә едиб: "Гаршымызда олан јеҝанә ағыллы вә мәнтигли һәлл јолу сијаси вә дипломатик јолларла мәгбул бир разылашманын әлдә едилмәси үчүн бирҝә сәј ҝөстәрмәкдир. Русија етимады бәрпа етмәјә, бејнәлхалг тәһлүкәсизлији вә стратежи сабитлији ҝүҹләндирмәјә һазырдыр. АБШ тәрәфиндә дә охшар мараг вә мәсулијјәт һиссинин олмасына үмид едирирк". Орта вә гыса мәнзилли нүвә ракетләринин ләғвинә даир сазиш Русија вә АБШ үчүн орта вә гыса мәнзилли јерүстү ракетләрин истеһсалы, сынагдан кечирилмәси вә сахланылмасыны гадаған едир, Лакин һәр ики өлкә ајларла бир-бирләрини бу мүаһидәнин мүддәаларыны позмагда иттиһам етдикдән сонра рәсмән ондан чыхыблар. Русијанын Вјана шәһәриндәки бејнәлхалг тәшкилатлардакы нүмајәндәси Михаил Улјанов да өз твиттер сәһифәсиндә пајлашдығы статусда АБШ президенти Доналд Трампы икитәрәфли вә бејнәлхалг сазишләрдән чыхмагда иттиһам едиб. О, америкалыларын, Русијанын силаһ нәзарәти сазишиләри илә бағлы өһдәликләринә әмәл етмәдијинә даир иддиаларына ҹаваб олараг, јазыб: "Силаһ нәзарәти сазышләринин иҹрасы илә бағлы мүбаһисәләрин һәлл едилмәси үчүн данышыглара һазырыг".
342/
