АБНА24 Хәбәр Верир, бу сөзләри Иран Ислам Ингилабы Кешикчиләри Корпусу Сепаһ-ын сөзчүсү ҝенерал-мајор Рамазан Шәриф дејиб. Ҝенерал-мајор Рамазан Шәриф "Бөјүк Пејғәмбәр(с.ә.с)-14" маневри үзәриндән манипулјасија етмәјә чалышан тәрәфләрә ҹаваб олараг дејиб: Аллаһа шүкүрләр олсун ки, Иран, реҝион вә дүнјанын һазыркы һәссас дурумуна рәғмән, дүзҝүн програмлашдырма вә дәгиг иҹра нәтиҹәсиндә "Бөјүк Пејғәмбәр(с.ә.с)-14" маневри там уғурла кечирилди вә бир чох һәдәфләрә наил олунду. Сепаһ-ын сөзчүсү даһа сонра деди: "Бөјүк Пејғәмбәр(с.ә.с)-14" маневри бир даһа сүбут етди ки, санксијалар вә тәзјигләр Иранын һәрби-мүдафиә вә һүҹум силаһлары вә тәҹһизатларынын истеһсалындакы һәрәкәтиндә дурғунлуг јарада билмәјиб. Ҝенерал-Мајор Рамазан Шәриф сөзләринин давамында "Бөјүк Пејғәмбәр(с.ә.с)-14" маневринин реҝион вә гоншу өлкәләр үчүн һеч бир тәһдид сајылмадығыны дејәрәк, әлавә етди: Фарс Көрфәзи өлкәләринин һеч бири тәјјарәдашыјан ҝәмијә малик дејил. Буна ҝөрә дә Иран силаһлы гүввәләринин һәрби тәлимләрдә тәјјарәдашыјан ҝәминин макетиндән истифадә едәрәк, ону һәдәфә алмағы мәшг етмәсиндән нараһат олмаға һеч бир әсас јохдур. Бу маневрин бирбаша һәдәфи тәјјарәдашыјан ҝәмиләрә малик реҝиондан кәнар өлкәләрдирләр ки, өз ганунсуз иштираклары илә реҝионда ҝәрҝинлик јарадырлар.
342/
