АБНА24 Хәбәр Верир, сон ҝүнләр Ирагда коронавирусун сүрәтлә јајылмасы өлкә рәсмиләри арасында ҹидди нараһатлыг доғурмаға башлајыб. Елә буна ҝөрә дә бәзи шәһәрләрдә карантин вәзијјәти елан едилиб. Фарс Нјус хәбәр аҝентлијинин билдирдијинә ҝөрә, јаранмыш вәзијјәти әсас тутараг, Кәрбәланын валиси, Әрәфә ҝүнүндән Гәдир Хум ҝүнүнә гәдәр зәвварларын ҝириш-чыхышынын мәһдудлашдырылмасынын ардынҹа индид дә Мәһәррәм ајынын јахынлашмасы илә Имам Һүсејн(ә) зәвварларындан Мәһәррәм ајынын илк он ҝүнү хүсусилә дә Ашура ҝүнү илә бағлы сәфәр програмларыны ләғв етмәләрини истәјиб. Кәрбәла валисинин дедијинә ҝөрә, Мәһәррәм ајынын илк 10 ҝүнүндә хүсусилә дә Тасуа вә Ашура ҝүнләриндә јерли вә хариҹи зәвварларын гәбул едилмәсинә лазыми шәраит јохдур. Бу гәрар Ираг шиәләринин тәглид мәрҹәји олан Ајәтуллаһ Систанијә коронавирусун јајылмасынын өнләнилмәси мәгсәдилә дини ајинләрин вә әзадарлыг мәрасимләринин виртуал гајдада кечирилмәсинә даир сорғунун ҝөндәрилмәсинин ардынҹа гәбул олунуб. Ирагда хүсусилә дә Кәрбәла вилајәтиндә коронавирусун ҝениш јајылмасыны нәзәрә алараг бу илки Әрбәин мәрасиминин дә пандемијанын вә карантин режиминин тәсири алтына дүшәҹәји прогноз едилир.
342/
