АБНА24 Хәбәр Верир, билдирдијинә ҝөрә буну Азәрбајҹан Республикасынын Мүдафиә Назирлији билдириб. Азәрбајҹан Республикасынын Мүдафиә Назирлији бу өлкә ордусунун Ермәнистан мүдафиәсинин дәринлијиндәки сечилмиш һәрби објектләрә зәрбә ендирмәјә гадир олдуғуну билдириб. "Азәрбајҹан Республикасы Ордусунун минаатан, ракет вә артиллерија зәрбәләри нәтиҹәсиндә ҝуја Ермәнистанын мүлки инфраструктуруна 300 мин доллар дәјәриндә зијан вурулмасы илә бағлы јајылан мәлумат сәрһәдјаны јашајыш мәнтәгәләриндә јерләшән көһнәлмиш вә техноҝен гәзалар нәтиҹәсиндә сырадан чыхмыш фәрди јашајыш биналарынын, ушаг бағчаларынын, су вә газ боруларынын, заводларын, мүәссисәләрин, бир сөзлә илләрлә бахымсызлыг сәбәбиндән онсуз да гәзалы вәзијјәтдә олан, јахуд харабалыға чеврилән објектләри тәмир етмәјә ҝүҹү вә имканы чатмајан Ермәнистан һөкумәтинин бүтүн ҝүнаһы Азәрбајҹан тәрәфинин үзәринә јыхмаг ҹәһдиндән башга бир шеј дејил". АПА хәбәр верир ки, бу барәдә Азәрбајҹан Республикасынын Мүдафиә Назирлијиндән билдирилиб. Азәрбајҹан Республикасы Мүдафиә Назирлијинин бәјанатында сонра дејилир ки, Ермәнистандан фәргли олараг Азәрбајҹан Республикасы Ордусунун бөлмәләри мүлки вәтәндашлары, јашајыш мәнтәгәләрини, јашајыш биналарыны вә мүлки објектләри һеч вахт һәдәфә алмыр вә һеч вахт атәшә тутмур: Бәјанатда сонра дејилир: О ки, галды Ермәнистан-Азәрбајҹан дөвләт сәрһәдиндә баш вермиш дөјүшләр заманы Азәрбајҹан тәрәфинин ҝуја ТОС-1 ағыр одсачан вә “Град” јајлым атәшли реактив системләриндән истифадә олунмасы илә бағлы Ермәнистанын Истинтаг Комитәсинин әсассыз иддиаларына, бирмәналы шәкилдә гејд етмәлијик ки, бу дөјүшләрдә Азәрбајҹан Республикасы Ордусу гејд олунан силаһ нөвләриндән истифадә етмәјиб. Бу силаһлардан вә диҝәр даһа мүасир силаһ нөвләриндән Азәрбајҹан Республикасы Ордусу јалныз дүшмән мүдафиәсинин дәринлијиндәки сечилмиш һәрби тәјинатлы објектләрин, һәрби инфраструктурун, һәмчинин бөјүк әразиләрдә олан ҹанлы һәрби гүввәсинин дәгиг атәшлә мәһв едилмәси үчүн истифадә етмәји нәзәрдә тутуб.
342/
