АБНА24 Хәбәр Верир, -ин мәлуматына ҝөрә Иранын тәһлүкәсизлик назири Тондәр террор групу башчысынын һәбс олунмасына тохунараг, дејиб: Америкадан Иранда силаһлы вә тәхрибатчы әмәлијјатлары истигамәтләндирән Тондәр террор групу башчысы Ҹәмшид Шармәһд Иран Ислам Республикасынын тәһлүкәсизлик гүввәләри тәрәфиндән һәбс олунду. Сејјед Мәһмуд Әләви Тондәр террор групу башчысынын һәбс олунмасы тәрзи барәдә дејиб: Америка вә сионист режим елә зәнн едирдиләр ки, Тондәр террор групунун башчысы Ирана гаршы һәрәкәт мәншәјидир, амма Иранын тәһлүкәсизлик гүввәләринин баҹарығы бу група вахтында јекун зәрбәнин вурулмасына сәбәб олду. Әләви гејд едиб ки, өзүнү Америка Федерал Тәһлүкәсизлик Бүросунун гүввәси һесаб едән бир шәхс бу ҝүн Иран Ислам Республикасынын тәһлүкәсизлик гүввәләринин әлиндәдир. Иранын тәһлүкәсизлик назири билдириб ки, Тондәр террор групунун башчысы Тәһлүкәсизлик Назирлијинин әкс-ингилабчылара гаршы илк мүрәккәб әмәлијјаты дејил. О, гејд едиб ки, Ҹәмшид Шармәһд вә онун мәҹмуси тәрәфиндән тәгрибән 27 террор һәрәкәти һәјата кечирилибдир ки, Иранын тәһлүкәсизлик гүввәләринин сајыглығы нәтиҹәсиндә онларын һамысы зәрәрсизләшдирилибдир. Әләви ИНТЕРПОЛ-ун Ҹәмшид Шармәһдин террор һәрәкәтләриндән хәбәрдар олмасына тохунараг, вурғулајыб ки, ИНТЕРПОЛ Тондәр террор групунун башчысыны һәбс етмәли олдуғу бир һалда, онунла иши олмады вә бу мәсәлә гәрблиләрин терроризмлә мүбаризә шүарларынын пучлуғуну ҝөстәрир.
342/
