АБНА24 Хәбәр Верир, буну журналистләрә Иран парламентинин милли тәһлүкәсизлик вә хариҹи сијасәт комиссијасынын мәрузәчиси Әбүлфәз Амуи ачыглајыб. Онун сөзләринә ҝөрә, комиссија Америка гырыҹыларынын Иран тәјјарәсинә гаршы тәһдиддолу актыны мүхтәлиф аспектләриндән нәзәрдән кечирәҹәк. “Иҹласда Дөвләт Авиасија Тәшкилатынын, Хариҹи Ишләр Назирлијинин вә Силаһлы Гүввәләри Баш Гәрарҝаһынын мүвафиг рәсмиләри иштирак едәҹәк", о дејиб. Хатырладаг ки, АБШ һәрби тәјјарәләри Теһрандан Бејрута учан Иран сәрнишин тәјјарәсинә тәһлүкәли һәддә јахынлашыб. "МаһанАир" ширкәтинә мәхсус сәрнишин тәјјарәси Сурија сәмасындан кечәркән АБШ коалисијасынын ики һәрби тәјјарәси тәрәфиндән сыхышдырылыб. Пилот тәһлүкәдән узаглашмаг үчүн маневрә едиб вә бу инсидент нәтиҹәсиндә 3 нәфәр јараланыб.
342/
