АБНА24 Хәбәр Верир, Рәҹәб Таjjыб Әрдоған ҹүмә ҝүнү Мисирин Ливиjада бирбаша мүдахиләси еһтималына реаксиjа вериб. Әрдоған Мисирин Ливиjадакы һәрәкәтләрини вә Ливиjа Милли Ордусу ады илә танынан група башчылыг едән Хәлифә Һәфтәри дәстәкләмәсини геjри-гануни адландырыб. Мисир Президенти Әбдүлфәттаһ Әл-Сиси иjулун 16-да өлкәсинин һәр ики дөвләтин милли тәһлүкәсизлиjини горумаг иддиасы илә Ливиjада бирбаша һәрби мүдахиләсини гануни адландырыб вә вурғулаjыб: "Ливиjанын шималындакы Сирт шәһәри вә бу өлкәнин мәркәзиндә jерләшән Әл-Ҹәфрә авиабазасы Мисирин гырмызы хәттидир". Ливиjа 2014-ҹү илин август аjындан бәри еjни заманда ики һөкумәт вә ики парламентин мөвҹудлуғунун шаһиди олуб. Түркиjә 2019-ҹу ил Ноjабрын 27-дә Ливиjанын Милли Бирлик һөкумәти илә тәһлүкәсизлик вә дәниз сәрһәдләринин мүәjjән едилмәси үзрә ики әмәкдашлыг сәнәди имзалаjыб. Беләликлә о,Аралыг дәниздә енержи ресурсларынын кәшфиjjаты вә һасилаты илә бағлы имкан әлдә едиб. Түркиjәнин бу һәрәкәти Мисир, Јунаныстан, Кипр вә Ливиjанын Милли Ордусунун команданы Хәлифә һәфтәрин дәстәкләдиjи Абдуллаһ Әл-Сәни һөкумәтинин тәнгиди илә үзләшиб.
342/
