АБНА24 Хәбәр Верир, Ирагын баш назири вә бу өлкәнин силаһлы гүввәләринин баш команданы Мустафа Әлказими Ираг Милли Тәһлүкәсизлик Шурасынын иҹласында деjиб: Ираг һөкумәти позғун амилләрин сәрһәд кечидләриндән суи-истифадәләринә мане олмаг үчүн бөjүк сәjләр ҝөстәриб вә бу кечидләрин ҝенишләндирилмәси үчүн програмлар нәзәрдә тутубдур ки, онларын фәалиjjәт сәвиjjәси jүксәлмиш олсун. Ирагын баш назири Иран Ислам Республикасы илә тиҹарәт мүбадиләси үчүн шәнбә ҝүнү, коронавирус пандемиjасына ҝөрә бир нечә аj бағлы галдыгдан сонра Мәндәли, башга сөзлә, Сумар сәрһәд кечидини jенидән ачыбдыр. Әлказими бу иҹласда Түркиjәнин Ирагын сәмасы вә торпағына гаршы тәҹавүзләринин давам етмәсинә тохунараг, бу һүҹумларын даjандырылмасы үчүн Түркиjә илә дипломатик диалогларын давам етдирилмәсинә тәкид едиб. О, деjиб: Бу кими тәҹавүзләр Ираг һакимиjjәтинә гаршы тәҹавүз һесаб олунур вә ики дост вә гоншу өлкә арасындакы мөһкәм әлагәләрә зиjан вурур.
342/
