АБНА24 Хәбәр Верир, Авропа Иттифагынын Хариҹи Сиjасәт вә Тәһлүкәсизлик мәсәләләри үзрә Али нүмаjәндәси вә Иранла нүвә анлашмасынын координатору Ҹозеф Боррел, Иран хариҹи ишләр назири Мәһәммәд Ҹавад Зәрифин ҹүмә ҝүнү она үнванладығы мәктубуна ҹаваб олараг, Зәрифин Франса, Алманиjа вә Инҝилтәрәнин нүвә сизишинә садиг галмадығы үчүн, Иранын нүвә сазишиндәки механизмә әсасән jени тәдбирләр төкәҹәjинә тәкид етдиjини билдирәрәк, бир даһа нүвә сазишинин давам етдирилмәсини дәстәкләндиjини вурғулаjыб. Ҹозеф Боррел, Зәрифин мәктубда "мүгавиләнин 36-ҹы бәндиндә ҝөстәрилән мүбаһисәләрин һәлли механизмини" әсас ҝәтирәрәк зәрәрин өдәнилмәсини истәдиjини билдириб. Боррел Деjиб: “Мүбаһисәнин һәлли просеси ағыр зәһмәти вә хош ниjjәтли олманы тәләб едир”. Авропа Иттифагынын Хариҹи Сиjасәт вә Тәһлүкәсизлик мәсәләләри үзрә Али нүмаjәндәси вә Иранла нүвә анлашмасынын координатору нүвә сазишини дәстәкләдиjини вурғулаjараг, бунун "дүнjада нүвә силаһларынын jаjылмамасына вә бөлҝә вә дүнjаны тәһлүкәсизләшдирмәjә көмәк етмәкдә тарихи бир мүвәффәгиjjәт адландырараг, ону горумаға гәрарлы олдуғуну билдирди. Геjд едәк ки, Иран ХИН мәтбуат катиби Сеjид Аббас Мусәви ҹүмә ҝүнү үч Авропа өлкәси jәни Алманиjа, Британиjа вә Франсанын Атом Енержиси үзрә Беjнәлхалг Аҝентлиjин Директорлар Шурасына гәтнамә лаjиһәсини тәгдим етмәклә мәсулиjjәтсиз һәрәкәтләринә вә һәмчинин Иранла нүвә анлашмасы илә бағлы өһдәликләринә сәдагәтсизликдә давам етмәләринә тохунараг вурғулаjыб: "Иранын хариҹи ишләр назири Мәһәммәд Ҹавад Зәриф иjулун 2-дә Авропа Иттифагынын Хариҹи Сиjасәт вә Тәһлүкәсизлик мәсәләләри үзрә Али нүмаjәндәси вә Иранла нүвә анлашмасынын координатору Ҹозеф Боррелә бир мәктуб үнванлаjыб вә Иранла Аҝентлик арасындакы әмәкдашлыглара истәнилән мүдахиләнин мәнфи тәсирләринин олаҹағыны вә бу мүдахиләләрин сөзү ҝедән анлашманын мүддәаларына зидд олдуғуну билдириб.
342/
