АБНА24 Хәбәр Верир, Сионист режимин баш назири Бенjамин Нетанjаһу бу сәһәр (Базар ертәси, Теһран вахты), Иjорадан чаjынын гәрб саһилиндәки Фәләстин торпагларынын ишғалынын, ҝәләҹәкды ылды олуна биләҹәк һәр бир сазишин аjрылмаз һиссәси олаҹағыны вурғулаjыб. Жерусәлим Пост гәзетинин вердиjи мәлумата ҝөрә, Нетанjаһу Исраил үчүн Христиан Бирлиjи Тәшкилатынын кечирдиjи видеоконфрансында иддиа едиб ки, Гәрб Саһилинин ишғал планынын һәjата кечирилмәси нәинки бөлҝәдәки барышыг просесини әнҝәлләмәjәҹәк, әксинә онун ҝүҹләнмәсинә вә компромис сазиш үчүн jолун ачылмасына да зәманәт верәҹәк. Нетанjаһу фәләстинлиләрлә данышыглар апармаға һазыр олдуғуну иддиа едәрәк деjиб: "Фәләстинлиләри башга бир фүрсәти әлдән вермәмәjә вә Исраили мәһв етмәк гәсди илә даһа бир әсри һәдәрә вермәмәjә чағырырам. Онлар Отуруб никбинликлә данышыглар апармалыдырлар. Исраиллиләрә вә фәләстинлиләрә барышыг ҝәтирә биләҹәк тарихи бир ҝүзәштә ҝетмәк үчүн мүзакирә апармаға һазыр олмалыдырлар. Исраил белә данышыглара һазырдыр. Мән белә данышыглара һазырам." Сионист режимин баш назири бөлҝәдәки бир чох әрәб өлкәсинин фәләстинлиләрин Исраил илә данышыглара ҝирәҹәjинә үмид етдикләринә тохунараг деjиб: "Сон он илдә мән Исраил илә рәсми сүлһ сазиши олмаjан әрәб өлкәләри илә мүнасибәтләри дәринләшдирмәк үчүн чох чалышдым." Нетанjаһу, һәмчинин Тәл-Әвивин әрәб өлкәләри илә мүнасибәтләрини jахшылашдырмаг үчүн сәjләрини давам етдирәҹәjинә сөз вериб. Геjд едәк ки, Сионист режим Гәрб Саһилини илһаг етмә просесинә иjулун 1-дә башламаны планлашдырыр.
342/
