Абна24 хәбәр верир, Казем Гәрибабади МАГАТЕ-нин директорлар шурасынын фәсиллик иҹласынын сонунҹу ҝүнүндә деjиб: Иран Ислам Республикасы үзв өлкәләр арасында аҝентлиjин тәфтишләринин гәбул едилмәсинин вә әмәкдашлығын ән jүксәк сәвиjjәсинә маликдир. Һәр ил Ирандан 33 дәфәдән чох тәкмилләшдириҹи әлчатанлығын һәjата кечирилдиjи, Иранын бу барәдә принсипиал ниҝаранчылыглара вә гаранлыг ҹәһәтләрә малик олдуғу вә бу саһәдә данышыгларын ҹәрәjан етдиjи бир һалда, аҝентлиjин ики әлчатанлыг хаһишинин шиширдилмәси тамамилә геjри-коснтруктив вә сиjасидир. Иран сәфири билдириб ки, даһа артыг әлчатанлыға иҹазәнин верилмәсинә әсасланан сон гәтнамә артыгтәләбликдән башга бир шеj деjилдир. О, деjиб: Иран һәр һансы өлкә вә тәшкилат тәрәфиндән ирәли сүрүләҹәк артыгтәләблиjи тамамилә рәдд едир вә гәтнамәнин техники реаллыгларла һеч бир әлагәси jохдур вә сырф олараг, геjри-пешәкар сиjаси бир иш ҝүндәминдән гаjнагланыр. О, бу гәтнамәнин jа нүвә силаһына малик олан, jахуд да белә бир өлүмҹүл силаһы гаршылаjан өлкәләрин тәрәфиндән ирәли сүрүлмәсиндән тәәссүф ифадә едиб вә белә сөjләjиб: Ҝөрәсән бу, бүтүн беjнәлхалг ганун вә гаjдаларын лаға гоjулмасы демәк деjилдирми? Бу кими өлкәләрин мүгавилә ниҝаранчығы вар. ДИҝәр тәрәфдән, елә бу үч өлкә индиjәдәк нүвә анлашмасы алтындакы өһдәликләринин иҹрасы үчүн һиссолунан вә реал аддымлар атмаjыбдыр. Гәрибабади сонра деjиб: Биз мөвҹуд вәзиjjәти американ-сионист бир тәлә дә саjырыг. Белә ки, өтән ики ил әрзиндә нүвә анлашмасынын дағыдылмасы үзрә һеч бир сәjи нәинки азалтмаjыблар, әксинә һәмкарлыглары дүзҝүн jолдан jаjындырмаг үчүн пуч вә әсассыз иддиалар ирәли сүрмәк истигамәтиндә әлләриндән ҝәләни әсирҝәмәjибләр.
342/
