Абна24 хәбәр верир, БМТ-нин инсан һаглары шурасы ҹүмә ҝүнү бу гәтнамәнин илкин мәтнини дәjишәндән сонра вә Американын адыны ҝәтирмәдән полис вәһшилиjини вә мүтәшәккил расизми писләjибдир. Дүнjада полисин расист зоракылығы мәркәзи кими Американын адына шамил олаҹаг бу гәтнамә лаjиһәсини Иран Ислам Республикасынын дәстәjи илә Африка өлкәләри тәгдим етмишдиләр. БМТ-нин инсан һаглары комиссары Мишел Бачелет чәршәнбә ахшамы ҝүнү Ҹеневрәдә тәшкил олунан иҹласда афроамерикалы Ҹорҹ Флоjдун АБШ полиси тәрәфиндән гәтлә jетирилмәсини мүтәшәккил иргчилиjин бариз нүмунәси адландырды вә рәсми үзрхаһлыг, реаллыгларын бәjан едилмәси вә әсрләр боjу едилмиш зоракылыг вә аjры-сечкилиjин компенсасиjасынын өдәнилмәсини истәмишди. Американын вә Авропа өлкәләринин мүхтәлиф шәһәрләри үч һәфтәдән чохдур ки, расизмә гаршы аксиjалар сәһнәсидир.
342/
