Абна24 хәбәр верир, Суриjа хариҹи ишләр назирлиjи бу ачыгламада билдириб ки, “Сезар” гануну Суриjанын дүшмәнләринин әсассыз иддиалары әсасында ишләниб һазырланыбдыр. Назирлик геjд едибдир ки, Америка һөкумәтинин бу гануну гәбул етдирмәк үзрә һәрәкәти инсан һаглары вә беjнәлхалг һуманист ганунларыны позур. Суриjа хариҹи ишләр назирлиjинин ачыгламасында сонра геjд олунубдур ки, игтисади терроризм терроризмин о бири үзү олараг, суриjалыларын ганларыны төкүр вә онларын ганлары вә һәjатлары баһасына әлдә олунмуш наилиjjәтләри арадан ҝөтүрүр. Суриjанын хариҹи ишләр назирлиjи вурғулаjыб ки, суриjалылар вар ҝүҹләри илә Американын залымҹасына һәрәкәтләрилә мүбаризә апараҹаглар. Назирлик билдириб ки, америкалылар дөjүш меjданында мәғлуб олублар вә онларын муздлулары, jәни террор груплары да Суриjа халгынын мүгавимәти гаршысында һеч бир иш ҝөрә билмәjәҹәкләр. 2019-ҹу илдә АБШ конгресинин гәбул етдиjи “Сезар” гануну ҹари милад аjынын бириндән иҹра олунур. Бу гануна әсасән, Америка һөкумәти суриjалы шәхсләрә вә мүәссисәләрә гаршы кәскин санксиjалар тәтбиг етмәк вә онлары сыхышдырмаг ниjjәтиндәдир.
342/
5 iyun 2020 - 15:35
Xəbər kodu: 1043526
Суриjанын хариҹи ишләр назирлиjи дүнән бир ачыгламада “Сезар” гануну ады алтында Американын Суриjаjа гаршы гәддарҹасына санксиjаларынын шиддәтләнмәсини кәскин тәрздә писләjиб.
