АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Ислам Ингилабынын Бөйүк Рәһбәри Һәзрәт Айәтуллаһулузма Хаменеи шәбан айынын 15-и, дүнйа шиәләринин он икинҹи имамы, Имам Заман(әҹ)-ин мүбарәк мөвлудунун илдөнүмү ҝүнүндә телевизийа илә етдикләри чыхышларында Иран халгындан йохсуллара вә еһтийаҹлылара мөминҹәсинә йардым вә йекдиллик үчүн бүтүн өлкәдә ҝениш маневрин кечирилмәсини истәдиләр.
Белә бир һалда, Иранда бүтүн халг вә ҹиһад груплары мәсул шәхсләрин кәнарында халга вә коронавирус пандемийасындан зәрәрчәкәнләрә йардым истигамәтиндә мейдана ҝирибләр.
Иранда ҹиһад груплары халг йардымларыны топлайараг, еһтийаҹлы аиләләр арасында сәһиййә ләвазиматлары вә әрзаг бағламалары пайлайыблар. Халг груплары тәрәфиндән чиркабын арадан ҝөтүрүлмәси, дезинфексийа әмәлиййатлары, сәһиййә маскаларынын вә тибб ләвазиматларынын истеһсалы вә пайланмасы да дөвләт гурумларынын координасийасы илә бүтүн Иранда кечирилмәкдәдир.
Һәмчинин Иранын бәзи бөлҝәләриндә «һәр мәсҹид, бир итки» кими лайиһәләрин иҹра едилмәсилә бу хейирхаһҹасына тәдбирләрдә йығылан пуллары һәмин мәһәлләнин еһтийаҹлы аиләләри үчүн нәзәрдә тутурлар.
Ислам Ингилабынын Бөйүк Рәһбәринин коронавирусдан зәрәр чәкәнләрә вә еһтийаҹлылара йардыма даир тәшәббүсләринә ҹавабда, халг һәрәкәтләринин кәнарында өлкә вә орду башчылары да «мөминҹәсинә йардым» маневринә гатылыблар.
Ислам Ингилабы Кешикчиләри Корпусу- Сепаһ-ын сөзчүсү бригада ҝенералы пасдар Рәмәзан Шәриф Сепаһ команданларынын өз айлыг әмәк һаггыларынын 20%-ни үмумөлкә «мөминҹәсинә йардым» маневринә айырмаг гәрарларындан хәбәр вериб.
Иранын мәһкәмә һакимиййәтинин сәдри вә йүксәк вәзифәли мәһкәмә рәсмиләри дә өз айлыг әмәк һаггыларынын 20%-ни үч ай мүддәтинә коронавирусдан зәрәр чәкәнләрә вә еһтийаҹлылара дәстәйә вә йардыма айырыблар.
.............
340
14 aprel 2020 - 07:20
Xəbər kodu: 1025491
Коронавирус пандемийасы нәтиҹәсиндә өз пешәләрини итирмиш шәхсләрә, һәмчинин бу хәстәликдән зәрәр чәкән тәбәгәләрә вә еһтийаҹлылара йардым вә хидмәтин ҝөстәрилмәси истигамәтиндә үмумөлкә «мөминҹәсинә йардым» маневри бүтүн Иранда халг базаларынын меһвәрлилийи илә башланыб.
