АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Имран хан дүнән бир твиттер месажында Американын Иран халгына гаршы санксийаларыны залымҹасына вә әдаләтсиз бир һәрәкәт адландырыб вә АБШ президенти Доналд Трампдан истәйибдир ки, бу санксийалары ләғв етсин.
Пакистанын баш назири билдириб ки, АБШ-ын санксийалары Иран халгынын коронавирусла мүбаризәсинин проблемлә үзләшмәсинә вә бу вирус гаршысында сағламлығын мүдафиәсинә мәнфи тәсирләрә сәбәб олубдур.
Имран хан вурғулайыб ки, коронавирусла мүбаризә бәшәриййәтин бирлийини тәләб едир.
Пакистанын баш назири өтән ҹүмә ҝүнү дә Ирана гаршы биртәрәфли санксийаларын давам етмәсини залымҹасына вә әдаләтсиз бир һәрәкәт адландырараг, дүнйа иҹтимаиййәтиндән истәмишди ки, бу санксийаларын тез бир заманда ләғв едилмәси үчүн өз ролуну ойнасын.
Пакистанын хариҹи ишләр назирлийи дә дүнән билдириб ки, бу өлкәнин хариҹи ишләр назири Шаһ Маһмуд Гуреши Иранын хариҹи ишләр назири Мәһәммәд Ҹавад Зәрифлә телефон әлагәси сахлайараг, она Исламабадын Американын санксийаларына гаршы мөвгеләри вә санксийаларын ләғви үзрә дипломатик сәйләри барәдә мәлумат верди.
Мәһәммәд Ҹавад Зәриф Бразилийа гәзети "Фулийа де Сан-Пауло" илә мүсаһибәдә Америка һөкумәтинин Ирана гаршы санксийалар тәтбиг етмәсини писләмишди.
Иранын хариҹи ишләр назири деди ки, Американын тәһдидләри уҹбатындан авропалы тибб ләвазиматлары ширкәтләри бизимлә тиҹарәт етмәмәк вә онлары бизә сатмамаг гәрарына ҝәлирләр. Буна ҝөрә, АБШ тәрәфиндән Ирана гаршы игтисади вә мүалиҹә терроризминин тәтбигинин мүхтәлиф формалары мөвҹуддур. Бу һәрәкәтләр мәһкәмә бахымындан бәшәриййәтә гаршы ҹинайәтдир.
............
340
23 mart 2020 - 12:04
Xəbər kodu: 1019750
Пакистанын баш назири АБШ президентинә хитабән дейиб ки, Вашингтонун Теһрана гаршы санксийалары ләғв олунсун.
