Азәрбайҹан әһалиси мүхтәлиф заманлар вә һадисәләрдә өнҹүл олублар

АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Ислам ингилабынын бөйүк рәһбәри һәзрәт Айәтуллаһүл-үзма Хаменеи февралын 18-дә тәбриз әһалисинин 1978-ҹи ил 18 феврал тарихи гийамынын 42-ҹи илдөнүмү ҝүнүндә баш тутан бу ҝөрүшдә Азәрбайҹан әһалисинин ән әсас хүсусиййәтинин милли, дини вә ингилаби иззәти өзүндә әкс етдирмәк, еһтийаҹ олдугда сәһнәйә ҝәлмәк, өлкәни, ингилабы вә дини менталитети мүдафиә етмәк олдуғуну билдирәрәк дейибләр: Тәбриз әһалисинин Гум әһалисинин 19 дей гийамынын гырхында вахтлы-вахтындакы иштиракы Аллаһ тааланын бәрәкәтинә сәбәб олду вә бу һәрәкәт халгын үмуми һәрәкәтинин башланмасы вә тағут режиминин деврилмәси вә ислами һөкумәтин гурулмасынадәк  силсиләли шәкилдә давам етди.

Ислам ингилабынын ҝөйүк рәһбәри чыхышынын башга бир һиссәсиндә Азәрбайҹан вә Тәбриз әһалисинин тарихи һадисәләр вә ислам ингилабынын гәләбәсиндән сонракы һадисәләрдәки тәсирли ролуна тохунараг билдирибләр: Азәрбайҹан әһалиси мүхтәлиф дөврләр вә һадисәләрдә һәмишә өнҹүл олуб вә бунун нүмунәләрини 18 феврал 1978-ҹи илдә , мүгәддәс мүдафиә дөврүндә, 2009-ҹу илин фитнәсиндә, Ҝенерал Сүлейманинин аным мәрасиминдәки әзәмәтли топлантыда вә ҹари ил 22 бәһмән йүрүшләриндә мүшаһидә етмәк олар. Һансы ки, кәскин гар йағмасына бахмайараг 22 бәһмән йүрүшләриндә әһали ҝениш иштирак етди.

Ислам ингилабынын бөйүк рәһбәринин чыхышындан өнҹә Вәлийи Фәгиһин шәрги Азәрбайҹан вилайәтиндәки нүмайәндәси вә Тәбриз шәһәринин имам ҹүмәси Һөҹҹәтүл-Ислам вәл-мүслимин Али Һашим Ингилабы мүдафиә мейданларында заманын тәләбләрини баша дүшәрәк тәшәббүскарлығы әлә алмағын Тәбриз әһалисинин әсас хүсусиййәтини тәшкил етдийини билдирәрәк дейиб: Мәсҹидләр ингилаб гүввәләринин әсас мәркәзи олараг ейни заманда дүшүнҹә, фәалиййәт вә програмлашдырма мәркәзләри олмалыдыр.
............
340