АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Мугтәда Сәдр дүнән ахшамчағы твиттер-дә етиразчылардан истәйибдир ки, йоллары бағламаг, иҹтимаи әмлака зийан вурмаг вә вәтәндашларын йашайышына хәләл ҝәтирмәкдән чәкинсинләр.
Сәдр ҹәрәйанынын сәдри һәмчинин аксийаларын дахилдән идарә вә сызан гүввәләрин рәдд олунмасы, еләҹә дә Ирагын али дини мәрҹәйи Айәтуллаһ Сеййид Әли Систанинин төвсийәләринә сәдагәти вурғулайыб.
Ираг мәрҹәиййәти өтән ҹүмә ҝүнү бир ачыгламада зоракылыгдан чәкинмәйә вә бу өлкәдә ҝүҹлү һөкумәтин тәшкили ваҹиблийинә тәкид едибдир.
Ирагын президенти Бәрһәм Салиһ февралын бириндә Муһәммәд Тофиг Әлавини бу өлкәнин йени баш назири кими тәгдим етди вә она назирләр кабинетини тәшкил етмәйи тапшырды. Бу сечимдән сонра Ирагын мүхтәлиф бөлҝәләриндә зоракылығын йени мәрһәләси формалашды.
Мугтәда Сәдрин һимайәдарлары вә әлейдарлары арасында тоггушма Ирагдакы һазыркы зоракылыгларын формалашмасынын амилидир. Өтән чәршәнбә ҝүнү Нәҹәф шәһәриндә Сәдрин һимайәдарлары олан ҝөйпапаглылар илә Сәдрин әлейдарлары олан гырмызыпапаглылар арасында баш вермиш тоггушмаларда азы 8 нәфәр өлмүш вә 100-дән чох нәфәр дә йараланмышды.
............
340
9 fevral 2020 - 09:58
Xəbər kodu: 1008884
Ирагда Сәдр ҹәрәйанынын сәдри Мугтәда Сәдр бу өлкәдә кечирилән аксийаларын динҹ маһиййәтли олмасынын давам етмәсини истәйиб.
