АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Зәриф бу телефон данышығында американ “әсрин сөвдәләшмәси” планыны писләйиб вә дейиб ки, Иран өз сийасәтләри илә ҝәләҹәкдә Фәләстин халгына гаршы бу кими фитнәләрин һәйата кечирилмәсинә мане олмаға чалышаҹаг.
Иранын хариҹи ишләр назири һәмчинин Теһранын фәләстинлиләр арасында милли барышығын реаллашмасы үчүн мөвҹуд сәйләрә дәстәк вердийини вурғулайыб.
Фәләстин мухтариййәтинин башчысы да бу телефон сөһбәтиндә Иранын хариҹи ишләр назирини фәләстинли тәрәфин американ “әсрин сөвдәләшмәси” планы гаршысындакы мөвгейи, һәмчинин бу планы арадан ҝөтүрмәк мәгсәдилә бейнәлхалг бир бирлийә наил олмаг үчүн ҝәләҹәк сийаси һәрәкәтләри барәдә мәлуматландырыб.
Иран Ислам Республикасынын рәсмиләри индийәдәк дәфәрләрлә вурғулайыблар ки, Иран Фәләстин халгынын вә Гәззә золағындакы гәһрәман мүгавимәтин кәнарында дайаныб вә дайанаҹагдыр.
.............
340
5 fevral 2020 - 09:33
Xəbər kodu: 1008078
Иран Ислам Республикасынын хариҹи ишләр назири Мәһәммәд Ҹавад Зәриф дүнән ҝеҹә Фәләстин мухтариййәтинин башчысы Маһмуд Аббас илә телефон сөһбәтиндә Иранын Гүдс пайтахт олмагла Фәләстин һөкумәтинин тәшкили вә өз талейини тәйин етмәк саһәсиндә Фәләстин халгынын һүгугларыны һимайә етдийини вурғулайыб.
