Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Сепаһ-ын Гүдс гүввәләринин команданы ҝенерал-лејтенант Һаҹ Гасем Солејманинин шәһадәти мүнасибәтилә Иран Ислам Республикасынын Азәрбајҹан Республикасындакы сәфирлијинин мәдәнијјәт мәркәзинин ҹидди-ҹәһди илә шер, мусиги, мәгалә, хәттатлыг вә рәсм әсәрләри, һәмчинин клип үзрә мүсабигә вә аным мәрасими кечирилир.
Елан олунмуш чағырыша әсасән, империализм вә зүлм илә мүбаризә вә әдаләтсевәрлик нүмунәси, һәмчинин мүгавимәтин бу бөјүк сәркәрдәсинин рәшадәтләри вә фәдакарлыглары барәдә нәзәрәчарпаҹаг сајда әдәби-бәдии әсәр Иранын Бакыдакы Мәдәнијјәт Мәркәзинә дахил олуб. Мүнсифләр һејәти тәрәфиндән мүхтәлиф саһәләр үзрә әсәрләр сечиләҹәк вә галибләрә мүкафатлар вә тәшәккүр лөвһәләри тәгдим олунаҹагдыр.
Ҝенерал Гасем Солејманинин шәһадәтилә бир заманда, Азәрбајҹан Республикасы халгынын мүхтәлиф тәбәгәләри Иран Ислам Республикасынын Бакыдакы нүмајәндәликләри вә мәркәзләриндә, һәмчинин бу шәһәрдә јашајан иранлыларын һүсејнијјәсиндә олараг, Иран халгы вә дөвләтинә башсағлы верибләр. Онлар Иран халгы вә дөвләтинин кәдәри илә бөлүшәрәк, бу террор һәрәкәтини писләјиб, һәмчинин мәдһијјәләр, дини нәғмәләр вә хәттатлыг әсәрләри тәгдим едәрәк, Исламын бу шүҹаәтли сәркәрдәсинә өз севҝиләрини ифадә едибләр.
Диггәт: Хәбәрдән истифадә етдикдә мәнбәјә истинад лазымдыр!
