Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, ҝеосијасәт үзрә бөјүк аналтик вә нәзәријјәчи Ноам Чомски "Һиндистан Тајмс" газетинә мүсаһибә верәрәк вурғулајыб: "Ҝенерал Гасым Сүлејманини террор етмәк ән азы бејналхалг террорисимин нүмунәсидир. Һәтта ондан да писдир."
Чомски Американын бу аддымыны бејнәлхалг һагглара зидд олдуғуну бәјан едәрәк дејиб: "Бејнәлхалг ганунлар бу мәсәлә илә бағлы там шәффав вә ајдындыр. Бу ганунлар бејнәлхалг әрсәләрдә тәһдид вә јахуд ҝүҹ тәтбиг етмәји гадаған етмишдир. Јалныз истисна һалларында буна иҹазә верир ки, баш вермиш һадисә дә бу истисна һалына адијјаты јохдур."
Аналтик билдириб: "Зәннимҹә АБШ һәрбичиләринин Гәрби Асијада чыхарылмасына даир һеч бир әламәт ҝөрмүрәм. Сон илләр әрзиндә Американын мәнтәгә өлкәләриндәки һәрби мөвҹудлуғу сүстләшмәмишдир вә бунун баш вермәсинә даир дә әламәтләр јохдур. Әлбәтдә гејд етмәлијәм ки, һәр бир шеј ҝөзләнилмәз һалда баш верә биләр. Просесин ҝедишатындан чох шеј аслыдыр. Һәрчәнд ки, Американын 2003-ҹү илә мүгајисәдә Гәрби Асијадакы һәрби мөвҹудлуғу азалмышдыр. Американын 2003-ҹү илдә Ирага етдији һәрби һүҹуму сон мин илин ән дәһшәтли вә пис һүҹуму иди."
Гејд едәк ки, Авраам Ноам Чомски АБШ лингвисти, философу, тарихчиси вә политологудур. Чомски "мүасир дилчилијин атасы" кими гәбул едилир вә аналитик фәлсәфәнин ән бөјүк нүмајәндәләриндән биридир. АБШ-ын Вјетнам мүһарибәсиндәки сијасәтинин ачыг тәнгидчиси олан Чомски бу мүһарибәни Америка империализми акты кими гәбул едирди. "Јени сол" тәшкилаты илә бирҝә чалышан Чомски дәфәләрлә өз активист фәалијјәтинә ҝөрә һәбс едилмиш вә АБШ президенти Ричард Никсонун дүшмәнләринин сијаһысында јер алмышдыр.
Чомски, Едвард С. Һерман илә бирликдә Индонезијанын Шәрги Тимору ишғал етдијини билдирмишдир. Онун Һолокостун инкары дахил олмагла, ифадә азадлығыны мүдафиы етмәси 1980-ҹи илләрин " Фориссон иши"ндә бөјүк мүбаһисәләрә сәбәб олмушдур.
2003-ҹү илдә АБШ-ын Ирагы ишғал етмәсинә гаршы чыхмыш вә "Ишғал һәрәкаты"ны дәстәкләмишдир.
Чомски АБШ хариҹи сијасәтинин, неолиберализмин, мүасир дөвләт капитализминин, Әрәб-Исраил мүнагишәсинин вә хәбәр мәтбуатынын әсас ахынынын тәнгидчисидир. Онун идејаалары антикапиталист вә антиимпериалист һәрәкатлара јүксәк дәрәҹәдә тәсир ҝөстәрмишдир, лакин бәзи тәнгидчиләри ону антиамериканизмдә иттиһам едир.
Диггәт: Хәбәрдән истифадә етдикдә мәнбәјә истинад лазымдыр!
