АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Ирагын Әл-Бина коалисийасынын нүмайәндәси Муһәммәд Әл-Бәлдави бу ҝүн йанварын 11-дә гейд едиб ки, Ираг өз суверенлийини горумаг вә АБШ һәрбчиләринин бу өлкәдән чыхарылмасы үчүн бейнәлхалг даирәләр вә мәһкәмәләрә мүраҹиәт едәҹәкдир.
Ирагын баш назири сәлаһиййәтләрини иҹра едән Адил Әбдүл-Меһди вә АБШ-ын дөвләт катиби Майк Помпео арасында баш тутан телефон данышығына ишарә едән Әл-Бәлдави һәмчинин, әлавә едиб: "Әбдүл-Меһди Помпеодан АБШ гүввәләринин Ирагдан чыхарылмасы механизмләринин арашдырылмасы вә һазырланмасы үчүн нүмайәндә һейәтинин ҝөндәрилмәсини тәләб едиб".
Онун сөзләринә ҝөрә, АБШ һәрбчиләри Ираг һөкумәтинин иҹазәси олмадан бу өлкәйә дахил олур вә Ирагын һава мәканындан иҹазәсиз истифадә едирләр.
Өтән ҹүмә ҝүнү йанварын 3-дә Ислам Ингилабы Кешикчиләри Корпусу-Сепаһын Гүдс Гүввәләринин команданы орду ҝенералы Гасим Сүлейманинин Ираг дөвләтинин рәсми дәвәтилә бу өлкәйә сәфәр етмәси вә АБШ гүввәләринин террор әмәлиййаты нәтиҹәсиндә шәһид едилмәсинин ардынҹа Ираг парламентариләри йанварын 5-дә АБШ һәрбчиләринин бу өлкәдән чыхарылмасы илә бағлы гәрар гәбул едибләр.
..........
340
12 yanvar 2020 - 10:59
Xəbər kodu: 1001654
Ирагын Әл-Бина коалисийасынын нүмайәндәси АБШ-ын өз һәрбчиләринин Ирагда сахланылмасына исрар етмәсини мүһарибә еланы кими гиймәтләндириб.
